Abituriyentlər üçün ixtisas seçimi ilə bağlı təlim olacaq

Abituriyentlər üçün ixtisas seçimi ilə bağlı təlim olacaq

Qərbi Kaspi Universitetində abituriyentlər və onların valideynləri üçün ixtisas seçimi mövzusunda təlim təşkil ediləcək. İyulun 27-də saat 11.00-da universitetin əsas binasında, İstiqlaliyyət 27 ünvanında keçiriləcək təlimdə Dövlət İmtahan Mərkəzinin eksperti də iştirak edəcək.

Təlimin birinci panelində abituriyentlərə doğru ixtisas seçimi, ixtisas seçərkən hansı məqamların nəzərə alınmalı olduğu ilə bağlı tövsiyələr veriləcək, uğurlu ixtisas seçimin və kodlaşdırmanın əhəmiyyətli prinsiplərləri şərh ediləcək, abituriyentləri maraqlandıran suallar cavablandırılacaq.

İkinci paneldə isə ixtisaslar və onların gələcək karyera imkanları ilə bağlı universitetin ayrı-ayrı fakültələrinin professor-müəllimlərinin təqdimatları olacaq. Təlim ödənişsizdir.

Qeydiyyat üçün: 012 492 61 63 +994 50 263 63 28

 

Mənbə: Sia.az