Slimfit
  1. MEDİA

AMEA Mərkəzi Elmi Kitabxanasında görkəmli oftalmoloq alim Zərifə xanım Əliyevanın anadan olmasının 98-ci ildönümü münasibətilə tədbir baş tutub

AMEA Mərkəzi Elmi Kitabxanasında görkəmli oftalmoloq alim Zərifə xanım Əliyevanın anadan olmasının 98-ci ildönümü münasibətilə tədbir baş tutub
Sakura

AMEA Mərkəzi Elmi Kitabxanasında görkəmli oftalmoloq alim Zərifə xanım Əliyevanın anadan olmasının 98-ci ildönümü münasibətilə tədbir baş tutub

Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) görkəmli oftalmoloq alim, akademik Zərifə xanım Əliyevanın anadan olmasının 98-ci ildönümü münasibətilə "Gözlərə işıq verən zərif insan ömrü" mövzusunda tədbir keçirilib.

Tədbiri giriş sözü ilə açan Mərkəzi Elmi Kitabxananın direktoru, professor Məmməd Əliyev oftalmologiya sahəsində görkəmli alim, ictimai xadim, tibb elmləri doktoru, professor, Əməkdar elm xadimi, AMEA-nın həqiqi üzvü Zərifə Əliyevanın Azərbaycan üçün gördüyü misilsiz xidmətlərdən danışıb. Görkəmli alimin zəngin elmi irsinin bu gün də aktual olduğunu vurğulayan direktor, Zərifə xanım Əliyevanın elmi-pedoqoji-ictimai fəaliyyətinin həkimlərin yeni nəslinin yetişməsinə, Azərbaycanda oftalmologiya elminin inkişafına güclü təsir göstərdiyini vurğulayıb. Professor M.Əliyev bildirib ki, MEK-in fondlarında qorunan, Zərifə Əliyevanın zəngin elmi irsini özündə əks etdirən dəyərli kitablar bu sahənin mütəxəssilərinin, gələcəyin alimlərinin yararlandığı misilsiz töhfədir. "Zərifə xanım Heydər Əliyev kimi dahinin sədaqətli həyat yoldaşı, mənəvi dayağı və əsl dostu idi. O, Azərbaycana cənab İlham Əliyev kimi Prezident bəxş edən bir ana olaraq hər zaman tarixdə qalacaq"- deyə professor Məmməd Əliyev bildirib.

Tədbirdə çıxış edən AEMA-nın vitese-prezidenti, akademik İradə Hüseynova elmi əsərləri ilə Azərbaycan oftalmologiya elmini inkişaf etdirən akademik Zərifə Əliyevanın əvəzsiz xidmətlərini xüsusi qeyd edib. O, alimin traxoma xəstəliyinə qarşı mübarizə aparmasından, oftalmologiyanın aktual istiqamətlərindəki tədqiqatlarından da bəhs edib. Qeyd olunub ki, 1981-ci ildə oftalmologiyanın inkişafına verdiyi böyük töhfəyə - görmə orqanının peşə patologiyası sahəsində apardığı elmi tədqiqatlara görə professor Z.Ə.Əliyeva ən yüksək mükafata - SSRİ Tibb Elmləri Akademiyasının akademiki M.İ.Averbax adına mükafatına layiq görülən ilk qadın olub.

Millət vəkili Aydın Mirzəzadə akademik Zərifə xanım Əliyevanın XX əsr Azərbaycan tibb elminin inkişafındakı müstəsna rolundan danışıb. A.Mirzəzadə akademik Zərifə Əliyevanın Azərbaycanın tibb elminin inkişafında, ictimai həyatında mühüm rol oynadığını bildirib.

AMEA Azad Həmkarlar İttifaqının sədri, professor Habil Qurbanov akademik Zərifə Əliyevanı gözəl ana, vəfalı ömür-gün yoldaşı, intellektual keyfiyyətləri özündə birləşdirən ziyalı, fitri istedada malik novator alim kimi xarakterizə edib.

AMEA Qadınlar Şurasının sədri, professor Rəna Mirzəzadə AMEA-nın akademik Zərifə Əliyevanın xatirəsini hər zaman uca tutduğunu qeyd edib. R.Mirzəzadə Qarabağın azad edilməsilə Zərifə xanım Əliyevanın ruhunun da şad olduğunu söyləyib.

Tədbirdə MEK tərəfindən hazırlanan akademik Zərifə Əliyevaya həsr olunan "Gözlərə işıq verən zərif insan ömrü" adlı video nümayiş olunub.

Azərbaycan Respublikasının əməkdar artistləri Nərgiz Əliyeva və İlham Nəzərovun ifasında sözləri Fikrət Qocaya, musiqisi Sevil Əliyevaya aid olan "Ana" mahnısı səsləndirilib.

Sonda MEK-in fondlarında görkəmli oftalmoloq Zərifə xanım Əliyevaya həsr olunmuş, həmçinin akademikin yazdığı elmi əsərlərdən ibarət sərgiyə baxış keçirilib.

AMEA Mərkəzi Elmi Kitabxanasının

İctimaiyyətlə əlaqələr şöbəsi

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Əhməd Cavadın 1914 cü ildə Gəncə şəhərində yazdığı "Çırpınırdı Qara dəniz" şeirinin orjinal mətni

Redaktor seçimi

SON XƏBƏRLƏR