"Atletiko"nun üzvü Qanada ilin futbolçusu seçilib

"Atletiko"nun üzvü Qanada ilin futbolçusu seçilib

 İspaniyanın "Atletiko" (Madrid) klubunun oyunçusu Tomas Partey Qanada ilin futbolçusu seçilib. 

"Report" ESPN-ə istinadən xəbər verir ki, 25 yaşlı yarımmüdafiəçi Qananın paytaxtı Akkradadakı Marriott otelində keçirilən mərasimdə ən yaxşı futbolçu mükafatına sahib çıxıb.  

O, bu nominasiyada İngiltərənin "Suonsi Siti" klubunun futbolçusu Cordan Ayu və "Aston Villa"nın oyunçusu Albert Adomanı geridə qoyub. 

Qeyd edək ki, Tomas Partey 2017-2018 mövsümündə "Atletiko"nun heyətində bütün turnirlər daxil olmaqla 50 matçda iştirak edib və 5 qol vurub. O, Çempionlar Liqasının qrup mərhələsində Madriddə "Qarabağ"la keçirilən qarşılaşmada da fərqlənib. 

Mənbə: report.az