AVRO-2024: Azərbaycan millisi Estoniyaya qalib gəldi

AVRO-2024: Azərbaycan millisi Estoniyaya qalib gəldi

Avro-2024-ün seçmə mərhələsində keçirilən Estoniya - Azərbaycan oyunu başa çatıb.

Ens.az Oxu.az-a istinadən xəbər verir ki, qarşılaşma yığmamızın 2:0 hesablı qələbəsi ilə yekunlaşıb. Qolları doqquzuncu dəqiqədə Toral Bayramov və 45+4-cü dəqiqədə penaltidən Ramil Şeydayev vurublar.

Bu, Azərbaycan millisinin qrup mərhələsində ilk qələbəsi olub. Xallarını dördə çatdıran komanda F qrupunda dördüncü pillədədir.

Bir xalı olan Estoniya sonuncu - beşincidir.

Qeyd edək ki, Futbol üzrə Azərbaycan millisi tarixində ilk dəfə Avropa çempionatlarının seçmə mərhələsində səfər qələbəsi əldə edib.

Azərbaycan yığması daha əvvəl yeddi dəfə seçmə mərhələlərdə iştirak etsə də, heç vaxt səfər oyununda qalib gəlməyi bacarmayıb.

Millimiz seçmə mərhələdə növbəti oyununu oktyabrın 16-da Bakıda Avstriyaya qarşı keçirəcək.