1. AZƏRBAYCAN

Azərbaycanda nə qədər qoyun var?

Azərbaycanda nə qədər qoyun var?

Azərbaycanda nə qədər qoyun var?

Bu ilin iyul ayının əvvəlinə olan məlumata görə, Azərbaycanda qoyun və keçilərin sayı ötən ilin analoji dövrü ilə müqayisədə 1,3% və ya 118 min baş azalaraq 8 milyon 649 min başa düşüb. Yeniavaz.com Dövlət Statistika Komitəsindən açıqlanan məlumatlara istinadən bildirir ki, qoyun və keçilərin sayı əksər rayonlarda azalıb.

Paytaxt Bakıda qoyun və keçilərin sayı 0,4% və ya 81 baş azalaraq 18 min 999 başa düşüb.

Məlumat üçün onu da qeyd edək ki, qoyun və keçilərin sayı ən çox Mingəçevir şəhərində artıb. Ötən ilin iyul ayının əvvəlindən öötən son bir il ərzində Mingəçevirdə qoyun və keçilərin sayı 15,2% artıb. Bundan başqa qoyun və keçilərin sayı Göyçay rayonunda 5,7%, Sabirabad rayonunda 3,1%, Neftçala rayonunda 2,8%, Lənkəran rayonunda 2,7% artıb.

Qoyun və keçilərin sayında ən çox azalma isə Şamaxı rayonunda olub. Şamaxıda son bir il ərzində qoyun və keçilərin sayı 16,6% azalıb. Həmçinin qoyun və keçilərin sayı Ağsu rayonunda 15%, Tərtər rayonunda 14,2%, Ağdaş rayonunda 12,5%, Xaçmaz rayonunda 11,7%, Sumqayıt şəhərində isə 11,5% azalıb.

Xatırladaq ki, bu ilin ilk rübünün yekunlarına olan məlumata görə Tacikistan, Özbəkistan və Qazaxıstan istisna olmaqla digər MDB ölkələrində də qoyun və keçilərin sayı azalıb. Yeniavaz.com MDB Dövlətlərarası Statistika Komitəsindən açıqlanan məlumatlara istinadən bildirir ki, bu ilin aprel ayının əvvəlinə olan məlumata görə qoyun və keçilərin sayı isə Ermənistanda 978,6 min baş (son bir ildə 7% azalıb), Rusiyada 25 milyon 231 min baş (1,9% azalıb), Ukraynada 1 milyon 515,8 min baş (4,1% azalıb), Moldovada 844,5 min baş (6,2% azalıb), Tacikistanda 5 milyon 727,2 min baş (1,7% artıb), Özbəkistanda 20 milyon 427,8 min baş (2,5% artıb), Qazaxıstanda 21 milyon 550 min baş (0,5% artıb), Belarusda isə 179,6 min baş qoyun və keçi (2,3% azalma) olub.



Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

SON XƏBƏRLƏR