Slimfit
  1. AZƏRBAYCAN

Azərbaycanın Parlamentlərarası İttifaqla əməkdaşlığı dərinləşir

Azərbaycanın Parlamentlərarası İttifaqla əməkdaşlığı dərinləşir
Sakura

Azərbaycanın Parlamentlərarası İttifaqla əməkdaşlığı dərinləşir

Oktyabrın 26-da Azərbaycan Respublikası Milli Məclisinin sədri Oqtay Əsədov ölkəmizdə səfərdə olan Parlamentlərarası İttifaqın prezidenti xanım Qabriela Baron ilə görüşüb.

AZƏRTAC xəbər verir ki, Milli Məclisin sədri səfər çərçivəsində keçirilən görüşlərin Azərbaycanla Parlamentlərarası İttifaq arasında əlaqələrin daha da dərinləşməsinə töhfə verəcəyinə əminliyini bildirib. Qeyd edib ki, ölkəmiz Parlamentlərarası İttifaq və quruma üzv parlamentlər ilə daha güclü əlaqələrin qurulmasına, təcrübə mübadiləsinin aparılmasına və qlobal problemlərin müzakirəsinə xüsusi önəm verir. O, xanım Qabriela Barona VI Bakı Beynəlxalq Humanitar Forumunda iştirakına görə minnətdarlığını bildirib.

Parlamentlərarası İttifaqın prezidenti Azərbaycanda üç dəfə səfərdə olduğunu və həmin səfərlər çərçivəsində müxtəlif görüşlər keçirdiyini diqqətə çatdırıb. O, VI Bakı Beynəlxalq Humanitar Forumunda iştirakından məmnunluğunu bildirib. Qeyd edib ki, Forum ölkələr və xalqlar arasında əlaqələrin, eləcə də parlamentlərarası əməkdaşlığın inkişafına töhfə verəcək.

Söhbət zamanı Bakıda keçiriləcək Gənc Parlamentarilərin V Qlobal Konfransı ilə bağlı müzakirələr də aparılıb. Xanım Qabriela Baron Azərbaycanın bu mühüm tədbirə də ev sahibliyi etməsinə görə təşəkkürünü ifadə edib.

Görüşdə gənclər və idman naziri Azad Rəhimov, Milli Məclis sədrinin müavini Valeh Ələsgərov və digər rəsmi şəxslər iştirak ediblər.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

İnsan hər dəfə nəfəs aldıqda ağciyərlərdəki havanın 17%-i yenilənir.

Redaktor seçimi

SON XƏBƏRLƏR