Bankda krediti olan “Diqlas sahibkarları” barədə
“Diqlas” ticarət mərkəzində baş vermiş yanğın əlaqədar zərərçəkmiş sahibkarların banklardakı kreditləri ilə bağlı Azərbaycan Banklar Assosiasiyasında iclas keçirilib.
Oxu.Az xəbər verir ki, iclasda kreditlərin restrukturizasiya olunması, hesablanmış cərimələrin (peniyaların) silinməsi, faizlərinin aşağı salınması, eləcə də onlara, müraciətləri əsasında, qaydalar çərçivəsində yeni kreditlərin verilməsi qərara alınıb.
Artıq qərarın icrasına da başlanılıb və bir neçə bank borc götürən müştərilərini çağıraraq, onların kreditinə yenidən baxıb.
Qeyd edək ki, prezident İlham Əliyev “Baş vermiş yanğınla əlaqədar Komissiyanın yaradılması haqqında” 28 mart 2019-cu il tarixli və “Baş vermiş yanğın nəticəsində zərər çəkmiş sahibkarlara maddi yardım göstərilməsi haqqında” 29 mart 2019-cu il tarixli Sərəncamlar imzalayıb.
Şərhlər
Şərhləri göstər Şərhləri gizlət