Çinə işləməkdə günahlandırılan keçmiş sərhədçiyə hökm oxundu

Britaniya məhkəməsi keçmiş sərhədçi Peter Vayı Çinə işləməkdə günahlandıraraq on il həbs cəzasına məhkum edib.

Ens.az Trend -ə istinadən xəbər verir ki,Xarici media yazır ki, onun Çin kəşfiyyat xidmətlərindəki rəhbəri, Londondakı Honkonq İqtisadi və Ticarət Ofisinin əməkdaşı Bill Yuen də səkkiz il müddətinə azadlıqdan məhrum edilib.

Mayın 7-də məhkəmə Yuenin Vayı Böyük Britaniyada yaşayan çinli dissidentlər haqqında məlumat əldə etməyi tapşırdığını müəyyən edib. Bunun üçün Peter Vay Daxili İşlər Nazirliyinin kompüter sisteminə giriş imkanından istifadə edib. Vay və Yuen Milli Təhlükəsizlik Qanununu pozmaqda təqsirləndiriliblər. Onların hər ikisi ikili Britaniya və Honkonq vətəndaşlığına malikdirlər.

Mətbuat yazır ki, Peter Vay 2017-ci ildə Çin kəşfiyyat xidmətlərində işləməyə başlayıb. Onun vəzifəsi Böyük Britaniyaya köçmüş və ya müvəqqəti olaraq orada yaşayan Honkonqlu dissidentlərin fəaliyyətinin monitorinqi olub. 2021-ci ildə o, bu işi görmək üçün Böyük Britaniya Sərhəd Qüvvələrinə qoşulub və Hitrou hava limanında işləyib. Müstəntiqlərin sözlərinə görə, o, həmçinin bir neçə tanınmış Britaniya siyasətçisi haqqında məlumat toplayıb. Bir vaxtlar o, keçmiş dəniz piyadası Metyu Triketti də onun təlimatı ilə dissidentlər üzərində müşahidə aparan şəxs kimi işə götürüb. Trikett polis tərəfindən fəaliyyətinin aşkarlanmasından qısa müddət sonra ölü tapılıb.