Slimfit
  1. AZƏRBAYCAN

Dövlət müəssisələrinin və nizamnamə kapitalında dövlətin payı olan hüquqi şəxslərin elektron bazası yaradılıb

Dövlət müəssisələrinin və nizamnamə kapitalında dövlətin payı olan hüquqi şəxslərin elektron bazası yaradılıb
Sakura

Dövlət müəssisələrinin və nizamnamə kapitalında dövlətin payı olan hüquqi şəxslərin elektron bazası…

Dövlət müəssisələrinin və nizamnamə kapitalında dövlətin payı olan hüquqi şəxslərin elektron bazası yaradılıb.

Bu barədə "Report"a Əmlak Məsələləri Dövlət Komitəsindən verilən məlumatda bildirilir.

Qeyd edilib ki, komitənin elan etdiyi əsas hədəflərdən biri də dövlət əmlakının idarə edilməsi və onun qorunub saxlanılması sahəsində beynəlxalq standartlara əsaslanan korporativ idarəetmə prinsiplərinin tətbiqidir. Eyni zamanda? dövlət əmlakının idarəedilməsində mütərəqqi metodların, informasiya texnologiyalarının, monitorinq üsullarının tətbiqini davam etdirir.

Dünya Bankının tövsiyələri də nəzərə alınmaqla iri dövlət şirkətlərinə dair vahid məlumat bazası formalaşdırılıb. Müasir yanaşma və standartların tətbiq edildiyi bazanın yaradılması zamanı beynəlxalq təcrübə öyrənilib, effektiv araşdırmalar aparılıb. Adı çəkilən bazada kadr uçotu üzrə məlumatlar, maliyyə və mühasibat göstəriciləri, o cümlədən daşınmaz əmlaka dair informasiyalar yer alır. Məlumat bazasına iri dövlət şirkətləri tərəfindən onlayn rejimdə müvafiq məlumatları daxil etməyə imkan verən veb platforma yaradılıb. Bu platforma komitənin elektron xidmətlər portalında yerləşdirilmiş və yekun forma Komitə tərəfindən hökumətə təqdim edilib. Bu informasiya sistemi vasitəsilə dövlət əmlakı daha səmərəli istifadə ediləcək, həmin müəssisələrdə korporativ idarəetmənin tətbiqi və onların maliyyə-təsərrüfat fəaliyyətində şəffaflıq artırılacaq. Hazırda bazada 20-dən çox dövlət müəssisəsinin məlumatları yerləşdirilib.Yenilənən bazaya gələcəkdə digər dövlət müəssisələrinin də inteqrasiyası həyata keçirilə bilər.

Səhmdar cəmiyyətlərdə ümumi yığıncaqların təşkili, müşahidə şuralarının, idarə heyətinin və təftiş komissiyalarının yaradılması istiqamətində də müəssisələrə metodiki köməkliklər göstərilir, müəssisələr tərəfindən maliyyə, o cümlədən digər zəruri hesabatların vaxtında təqdim edilməsi təmin edilir. Hazırda 141 dövlət paylı müəssisədə korporativ idarəetmənin tətbiqi istiqamətində komitə tərəfindən daima metodiki köməkliklər göstərilir.

Eyni zamanda dövlət əmlakının idarə edilməsi və onun qorunub saxlanılması ilə bağlı xüsusi hesabatlar elektron müstəvidə təqdim edilir. Hesabata əsasən dövlət əmlakının istifadə vəziyyəti təhlil edilir, faktiki vəziyyəti müəyyənləşdirilir, o cümlədən onun qorunub-saxlanılması və səmərəli istifadəsi, bu sahədə nəzarətin gücləndirilməsi təmin edilir. Nəticədə hesabatın qəbulunda şəffaflıq, operativlik artırılır, optimallıq təmin olunur. 2018-ci il ərzində 5 minə yaxın dövlət müəssisə və təşkilatlarından illik xüsusi hesabatlar elektron qaydada yığılıb. Qeyd edilməlidir ki, hesabatlarda göstərilən məlumatların araşdırılmasına ehtiyac olduqda komitə tərəfindən həmin müəssisələrdə monitorinqlər keçirilir. Cari il ərzində bu istiqamətdə 1000-dən çox monitorinq aktı təhlil edilib.

Dövlət əmlakının idarə edilməsi sahəsində mühüm istiqamətlərdən biri də dividendlərin ödənilməsidir. Komitə özəlləşdirilməyə açıq olan səhmdar cəmiyyətlərin dövlətə məxsus səhmlərinə görə büdcəyə dividendlərin ödənişinə nəzarəti həyata keçirir. Ötən il üzrə 20-dən çox səhmdar cəmiyyəti tərəfindən dividendlərin dövlət büdcəsinə ödənilməsi Komitə tərəfindən təmin edilmişdir. Eyni zamanda belə müəssisələr tərəfindən səhmdarlara dividendlərin ödənilməsi ilə bağlı məsələlər də diqqətdə saxlanılır. Bu istiqamətdə tələb və şərtlərə dair səhmdarların ümumi yığıncaqlarında müvafiq qərarların qəbul edilməsi istiqamətində komitə tərəfindən zəruri işlər aparılır.

Həmçinin dövlətin payının (səhmlərinin) idarəedilməsi sahəsində beynəlxalq təcrübənin və yeni üsulların tətbiqi imkanları öyrənilməklə yanaşı komitə tərəfindən həmin müəssisələrin fəaliyyəti üzrə təhlil işləri də mütəmadi olaraq həyata keçirilir.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Ağdam, Azərbaycan, 1993-cü il. Qız güllə və bomba partlayışı səslərini eşitməmək üçün qulaqlarını tutub.

Redaktor seçimi

SON XƏBƏRLƏR