“Girovların dəyişdirilməsi ilə bağlı təkliflər almışıq” – HƏMAS
Fələstinin radikal HƏMAS hərəkatı Qəzzada saxlanılan girovların dəyişdirilməsi ilə bağlı İsraillə danışıqların təşkili ilə bağlı bir neçə ölkədən təkliflər alıb.
Ens.az Yeniavaz.com-a istinadən xəbər verir ki, bu barədə hərəkatın rəhbərliyinin üzvü Usama Həmdan məlumat yayıb.
“Girovların dəyişdirilməsi ilə bağlı danışıqlara dair təşəbbüslər və təkliflər haqqında danışıq fonunda biz aşağıdakıları təsdiq edirik: Hərəkat bir neçə ölkədən belə təşəbbüslər və təkliflər alıb”, - Həmdan bildirib.
Həmçinin o, bir daha vurğulayıb ki, hərəkatın prioriteti Fələstin xalqına qarşı təcavüzə son qoymaq olaraq qalır:
“Fələstinlilər müvəqqəti atəşkəsi yox, hərbi əməliyyatların tamamilə dayandırılmasını gözləyirlər”.
Şərhlər
Şərhləri göstər Şərhləri gizlət