Həbib koronavirusa görə bunu etməyə məcbur oldu
Həbib koronavirus səbəbiylə ABŞ-dan geri döndü
Toni Ferqüssona qarşı duelə hazırlaşdığı salon yerli hakimiyyətin göstərişi ilə bağlandı.
Qarışıq növdə Dağıstandan olan rusiyalı döyüşçü, Mütləq Döyüş Çempionatının (UFC) çempionu Həbib Nurmagomedov, koronavirusun yayılması ilə əlaqədar yaranmış vəziyyətə görə ABŞ-dan Rusiyaya qayıdıb. Ens.az saytı bildirir ki, bu barədə idmançının meneceri Rizvan Maqomedov məlumat verib.
Onun sözlərinə görə, Həbibin Toni Ferqüssona qarşı duelə hazırlaşdığı salon yerli hakimiyyətin göstərişilə ziyarətçilər üçün bağlanıb. Artıq idmançı və komandası vətənə dönüb.
Daha əvvəl bəzi mətbuat orqanları Nurmagomedov və Ferqüssonun planlaşdırılan döyüşünün çox güman ki, ABŞ-da olmayacağını bildirmişdi. Matçın keçiriləcəyi mümkün variantlar arasında Rusiyanın da adı hallanırdı.
Mənbə: life.ru
Şərhlər
Şərhləri göstər Şərhləri gizlət