“Kalaşnikov” konserni döyüş robotunu təqdim edib
Rusiyanın məşhur “Kalaşnikov” konserni tərəfindən istehsal olunan döyüş robotu təqdim edilib.
AZƏRTAC xarici KİV-lərə istinadla xəbər verir ki, “İqoryok” adlı robot Moskvada “Kalaşnikov” avtomatlarını istehsal edən şirkət tərəfindən nümayiş olunub.
Şirkətdən məlumat verilib ki, robot hələlik hərəkət edə bilmir. Amma yaxın gələcəkdə onun mühəndis və döyüş tapşırıqlarını yerinə yetirmək qabiliyyəti ən yüksək səviyyəyə çatdırılacaq. Hələlik heç bir əlavə funksiyası göstərilməyən robot 2019-cu ildə daha da təkmilləşdirilərək nümayiş olunacaq.
Robotun hündürlüyü 4 metr, çəkisi isə 4,5 tondur. Robotun gülləkeçirməyən rəngli şüşə ilə örtülmüş nəzarət kabinəsindən onun sağ və sol qolları idarə ediləcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət