Mərkəzi Bank "AtaSığorta"nı cəzalandırdı: Şirkət yeni müqavilələr imzalaya bilməz

Mərkəzi Bank "AtaSığorta"nı cəzalandırdı: Şirkət yeni müqavilələr imzalaya bilməz

Mərkəzi Bank "AtaSığorta" ASC ilə bağlı məhdudlaşdırıcı qərar qəbul edib.

Oxu.Az Mərkəzi Banka istinadən xəbər verir ki, sığorta şirkətinin maliyyə vəziyyətinin sabitləşdirilməsi və aktivlərinin qorunması məqsədilə ASC-yə icrası məcburi olan göstəriş təqdim olunub.

Göstərişə əsasən, cəmiyyət tərəfindən yeni öhdəliklərin qəbul edilməsi, öhdəlik yaradan müqavilələrin bağlanması, həmçinin xərc yaradan əməliyyatların aparılması dayandırılıb.

Qeyd olunub ki, tədbirlər sığorta şirkətinin maliyyə dayanıqlığının təmin olunmasına yönəlib.

 

"AtaSığorta" 2004-cü ildən fəaliyyət göstərir, "Ata Holdinq" MMC-yə daxildir. Onun nizamnamə kapitalı 14.6 milyon manatdır.