31 mart 2020, çərşənbə axşamı
.
.
chevron_left chevron_right
KOSMOS

NASA-nın aya eniş proqramı dörd il ertələnir

NASA-nın aya eniş proqramı dörd il ertələnir

112 Baxış
NASA-nın aya eniş proqramı dörd il ertələnir

Ens.az xəbər verir ki, NASA-nın Artemis proqramı insanların 2024-cü ildən başlayaraq Aya mütəmadi olaraq uçmasını nəzərdə tutur. Ancaq Nümayəndələr Palatasına təqdim olunan qanun layihəsində vaxtla bağlı əhəmiyyətli dəyişikliklər edilməsi və proqram üzrə ilk pilot uçuşunun 2028-ci ilə təxirə salınma ehtimalı var.

Belə ki, qanun layihəsini hazırlayan Nümayəndələr Palatasının elm texnologiya və kosmos üzrə komitəsinin rəhbərliyi hesab edir ki, NASA- nın Ay səthinə enişləri 2028-ci ildən tez olmamalıdır və onlar əsas səylərini Marsın kəşfiyyat proqramına, 2033 və ya 2035-ci illərdə bu planetə insan uçuşunun həyata keçirilməsinə yönəltməlidir.

Qanun, eyni zamanda Beynəlxalq Kosmik Stansiyaya (ISS) daha çox diqqət yetirilməsini və orada olma müddətinin 2028-ci ilə qədər uzadılmasını, Yer kürəsi ilə Ay arasındakı Gateway kosmik stansiyasının inşasına icazə verilməsini tələb edir.

HR 5666 adı verilmiş qanun layihəsində vurğulanır ki, 2028-ci ildə aya eniş Ay-Mars proqramı kontekstində həyata keçirilməlidir.

Bununla yanaşı, kiçik Gateway kosmik stansiyasının Marsa uçmaq üçün lazım olan "sistemlər və əməliyyat üsulları üçün bir sınaq yeri" olaraq xidmət göstərməli olduğu bildirilir.

102 səhifəlik sənəddə deyilir: “Kosmos tədqiqatında millətin məqsədi insanları Marsın səthinə göndərmək olmalıdır. Beləliklə, NASA, məsələn, ayda buz tapmaq üçün proqramını ləğv etməli və ümumiyyətlə əməliyyatların sayını minimuma endirməlidir. Bütün səylər Marsın fəthinə yönəldilməlidir"

Qanun layihəsinə Nümayəndələr Palatası fevral ayında baxacaq. Problem ondadır ki, ABŞ hökumətinin dəyişən prezidentləri müəyyən missiyaların təsdiqlənməsinə və ləğv edilməsinə və ya onlara düzəlişlərin edilməsinə çox vaxt müdaxilə edirlər. Agentliyin səmərəliliyi bundan əziyyət çəkir, araşdırma və inkişaf üçün xərclənən böyük miqdarda pullar itirilir. Buna görə də bu qanun layihəsi növbəti prezident seçkilərindən 1 il qabaq , 2019-cu ilin noyabr ayında hazırlanıb və ona görə NASA-nın planlarına ciddi şəkildə dəyişiklik edilməsi istisna olunur. Nəticə etibarilə, HR 5666 qanununa təklif olunan bütün düzəlişlərin heç də hamısı edilməyəcək.


Müəllif: Fəxri Qocayev


Mənbə: www.popmech.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Qarğa yoxsa pişik?
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X