Nə üçün iOS istifadəçiləri Android-ə keçir və əksinə

Ens.az Ixbt.com resursuna istinadən xəbər verir ki, iOS-a keçən Android istifadəçilərinin 47%-i bəyan ediblər ki, yeni ƏS istifadəçilər üçün daha rahat və komfortludur.

PC Mag araşdırma keçirib ki, onun da məqsədi istifadəçilərin iOS-dan Android-ə və əksinə keçmələrinin səbəbini aydınlaşdırmaq olub.

Sorğuda cəmi 2500 insan iştirak edib, onlardan 54%-i iPhone sahibləri, 27%-i isə Samsung istifadəçiləri olub. Sorğuda iştirak edənlərin 18%-i Android-dən iOS-a, 11% isə iOS-dan Android-ə keçib. Sorğuda iştirak edənlərin 71%-i bildirib ki, üstünlük verdiyi mobil iOS-u dəyişmək fikrində deyillər.

iOS-a keçən Android istifadəçilərinin 47%-i bəyan ediblər ki, yeni ƏS istifadəçilər üçün daha rahat və komfortludur. iOs-dan Android-ə keçənlərin cəmi 30%-i belə bildirib.

İkinci əsas səbəb qiymətdir. iOS istifadəçilərinin 29%-i Android-ə məhz müvafiq smartfonların ucuz olması səbəbindən keçib. Amma Android-dən iOS-a keçən istifadəçilərin 11%-i daha əvvəl işlətdiklərindən daha ucuz iOS olan smartfonlar alıblar.

Sorğuda iştirak edənlərin hər iki tərəfindən platformanın dəyişdirmələri səbəbi kimi dizayn, kamera və digər özəlliklərini bildiriblər.