Nefti, qazı olmayan Finlandiya karantin dövründə vətəndaşlarına necə kömək edir?

Ens.az saytı bildirir ki, Finlandiya da bir sıra ölkələr kimi, koronavirus səbəbiylə karantindədir. Kela adlanan ölkənin Milli Pensiya İdarəsi əhaliyə yeni bir müavinət (epidemiatuki) ödəməyə başlayır. Söhbət hazırkı çətin dövrdə pensiyaçılara, işsizlərə və sahibkarlara verilən müavinətlərdən və dövlət yardımından gedir.

Finlandiyada neft, qaz, qara torpaq və ya digər faydalı qazıntılara sahib olmamasına baxmayaraq, dövlət, insanlara kömək üçün xeyli vəsait ayırır.

Belə ki, fərdi sahibkara (tək işləyən - bərbər, inşaatçı, həkim) edilən birdəfəlik yardımın məbləği 2000 avro təşkil edir. Bundan əlavə, həmin şəxslər "ailəyə yardım" adlanan işsizlik müavinəti də - kommunal xidmətlər, İnternet ( ailənin gəliri azdırsa) almaq hüququna malikdir. Bu isə ayda 500-800 avrodur.

Mini-firması olan, deyək ki, pizzacı, dükanı olan bir sahibkara birdəfəlik yardım - 5000 avrodan başlayır. Ancaq tutalım, atelyesi və ya gecə klubu (bar) kimi daha böyük işi olan sahibkarlar təxminən 100 min avro yardım ala bilər! Bir şəxs dövlət qulluğunda çalışırsa, maaşının 85 faizini saxlanılır.

İşsizlik müavinəti, yeri gəlmişkən, dəyişməyib və Finlandiyada ayda 700-800 avro təşkil edir. Mənzilə (kirayəyə) kömək üçün müavinət ayda 300-700 avrodur. Bundan əlavə, uşaq müavinətləri, pensiyalar, təqaüdlər və s. də öz yerində.

Bütün bunlardan başqa, hazırda Finlandiyada sahibkarlar üçün icarə 25-40% azaldılıb bəzi yerlərdə isə epidemiya müddətində tamamilə ləğv edilib.

Əlavə edirik ki, kömək almaq üçün Finlyandiyada vətəndaşın xüsusi sayta girərək təxminən on dəqiqə ərzində elektron sənədləri doldurması kifayətdir.

Mənbə: womo.ua