Psixoloqlar üçün Şura yaradılır - Bununlada saxta psixoloqların qarşısı alınacaq

Artıq psixoloji yardım göstərən şəxslər üçün yeni tələblər hazırlanır. Milli Məclisdən ATV.az-a verilən məlumata görə, bu tələblər Milli Məclisə birinci oxunuş üçün təqdim edilən “Psixoloji yardım haqqında” qanun layihəsində öz əksini tapıb.

Beləki, psixoloji yardım göstərən şəxslər 5 ildən bir  Psixoloqlar Şurasının müəyyən etdiyi qaydada tədrisə cəlb olunacaqlar.  

Layihənin hazırlanmasında əsas məqsəd  psixoloji xidmət göstərən mütəxəssislərin fəaliyyətinin yaxşılaşdırılması, onların peşə hüquqlarının qorunması, təcrübə mübadiləsinin aparılması və təbliği, peşəkarlıq səviyyəsinin yüksəldilməsi, əhalinin keyfiyyətli psixoloji xdmətlə təmini, psixoloji xidmət sahəsində elmi tədqiqatların aparılmasına yardım göstərilməsi, psixoloji yardım standartlarının və etika normalarının işlənib hazırlanması məqsədilə yaradılacaq. 7 üzvdən ibarət olacaq Şura yüksək ixtisaslı psixoloqlardan, eyni zamanda müxtəlif sahələrdə psixoloji yardım göstərən dövlət orqanlarının nümayəndələrindən ibarət olacaq.

Qeyd edək ki, “Psixoloji yardım haqqında” qanun layihəsi Milli Məclisin oktyabrın 30-da keçiriləcək plenar sessiyasında müzakirəyə çıxarılacaq.

Mənbə: Atv.az