Putin oliqarxlarla görüşə hazırlaşır

Putin oliqarxlarla görüşə hazırlaşır

Ukraynaya qarşı irimiqyaslı hücumdan sonra ilk dəfə olaraq Rusiya Prezidenti Vladimir Putin rusiyalı maqnatlarla görüşəcək.

Ens.az Axar.az-a istinadən xəbər verir ki, bu barədə “Blumberq” agentliyi məlumat yayıb.

Məlumata görə, görüşün martın 16-da keçirilməsi planlaşdırılır. Ötənilki görüş müharibə səbəbindən təxirə salınmışdı.

Nəşrin yazdığına görə, budəfəki çıxışında Putin əsas diqqəti iqtisadi artımın canlanmasına yönəltməyi planlaşdırır.

Maqnatların görüşdə dövlətin iqtisadiyyatda artan rolundan narahatlığını ifadə etməyə və biznes mühitinin liberallaşdırılması üçün addımlar atmağa çalışacaqları bildirilib.

Qeyd olunub ki, rus oliqarxlar bəzi iqtisadi cinayətləri, o cümlədən çirkli pulların yuyulmasını leqalaşşdırmaq istəyirlər.