3 iyun 2020, çərşənbə
.
.
chevron_left chevron_right
AZƏRBAYCAN

Qarabağ qazisi Azərbaycan xalqına təşəkkür edir - Oğlunun təhsil xərci ödəndi

Qarabağ qazisi Azərbaycan xalqına təşəkkür edir - Oğlunun təhsil xərci ödəndi

198 Baxış
Qarabağ qazisi Azərbaycan xalqına təşəkkür edir - Oğlunun təhsil xərci ödəndi

Qarabağ müharibəsi veteranı Sakit Osmanovun övladının 1200 manat təhsil haqqını ödəyə bilməməsi barədə bir neçə gün öncə məlumat vermişdik. Yeniavaz.com saytına müraciətində S. Osmanov xeyirxah, vətənsevər şəxslərdən bu işdə ona kömək olmalarını istəmişdi.

Məlumat üçün bildirək ki, Zərdab rayonunun Gəlmə kənd sakini olan Sakit Osmanov hazırda heç bir yerdə işləmir, müharibə veteranı kimi ayda cəmi 55 manat müavinət alır.

Onun oğlu Oruc Osmanov müəllim yanına hazırlığa getmədən, özü hazırlaşaraq Mingəçevir Dövlət Universitetinin Maliyyə fakültəsinə daxil olub, ancaq ailəsi onun təhsil haqqını ödəyə bilmirdi.

Sakit Osmanov Yeniavaz.com-a açıqlamasında müraciəti ictimailəşəndən sonra ona çoxlu sayda tanıdığı və tanımadığı insanlardan zəng gəldiyini bildirib:

"Mən Sakit Osmanov Qarabağ müharibəsinin ən ağır vaxtlarında - 1992-ci ildə bir vətən oğlumu kimi xalqım qarşısında borcumu yerinə yetirmək üçün cəbhəyə yollanmışam. 2 il Ağcabədi batalyonunun tərkibində Laçında, Kəlbəcərdə, Ağdamda ən şiddətli döyüşlərdə vuruşmuşam. Hazırda heç bir yerdə işləmirəm. Bir gün nə vaxtsa belə bir problemlə üzləşəcəyimi ağlıma da gətirməzdim. İlk olaraq Yeniavaz.com saytına müraciət etdim, daha sonra məsələ ictimailəşdi. Tanıdığım və tanımadığım insanlardan mənə çoxlu sayda dəstək zəngləri gəldi. Vətənimizin qeyrətli, yardımsevər, xeyirxah insanlarının köməkliyi ilə oğlumun təhsil haqqı üçün lazım olan vəsait yığıldı. Mingəçevir Dövlət Universitetinə gedib oğlumun təhsil xərcini ödədik. Çox şükür, oğlum Maliyyə fakültəsində təhsil ala biləcək. Mən xalqımızın qeyrətli oğul və qızları ilə fəxr edirəm, Allah hər birinizdən razı olsun".

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Verzaska çayı, İsveçrə
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X