Rusiya Bankı Ermənistanda və 3 separatçı qurumun ərazisində bankomatlar quraşdırdı
Rusiya Bankı ölkə daxilindəkilərlə yanaşı, xaricdə yerləşən rus qoşunlarının dislokasiya məntəqələrində və hərbi obyektlərin ərazisində bankomatlar şəbəkəsi açıb.
Moderator.az xəbər verir ki, bu haqda "Izvestia" qəzeti yazıb. Materialda deyilir ki, Rusiyanın xaricdəki qoşunlarının yerləşdiyi ərazilərdə və Rusiya hərbi qulluqçularının mövcud olduğu digər yerlərdə bankların və bankomatların açılması vacib bir addımdır.
Xəbərdən məlum olur ki, bank terminalları Ermənistanın Qümri şəhərindəki 102-ci baza və Qırğızıstanın Kant şəhərndəki baza ilə yanaşı, separatçı qurumlar olan Abxaziya(Qudauta), Cənubi Osetiya(Tsxinvali) və Dnestryanı “respublika” (Tiraspol) ərazilərindəki rus qoşunlarının dislokasiya məntəqələrində də quraşdırılıb.
Şərhlər
Şərhləri göstər Şərhləri gizlət