Türkiyə Nazirlər Kabineti NATO sammitini, İranı və Ukraynanı müzakirə edəcək

Türkiyə Nazirlər Kabineti iyulun 13-də Prezident Rəcəb Tayyib Ərdoğanın sədrliyi ilə keçiriləcək iclasda iyulun 7–8-də Ankarada baş tutmuş NATO sammitinin yekunlarını, Yaxın Şərqdəki vəziyyəti, İran ətrafındakı münaqişəni və Ukrayna münaqişəsinin nizamlanması məsələsini müzakirə edəcək.

Ens.az Report.az-a istinadən xəbər verir ki, bu barədə A Haber telekanalı məlumat yayıb.

Ərdoğan NATO sammitinin yekunlarına dair açıqlamasında bildirib ki, Türkiyə Ukraynada sülhün bərqərar olunması üçün bütün kommunikasiya kanallarını açıq saxlayır.

O vurğulayıb ki, ölkəsi Ukrayna münaqişəsinin əvvəlindən etibarən dialoq və diplomatiyanın tərəfdarı olub, Rusiya ilə Ukrayna arasında keçirilən danışıqlara dəfələrlə ev sahibliyi edib və gələcəkdə də bu danışıqlar üçün öz platformasını təqdim etməyə hazırdır.

2025-ci ildə İstanbulda Rusiya və Ukrayna nümayəndə heyətləri arasında üç raund birbaşa danışıqlar keçirilib.