Rusiyadan Ukraynaya kütləvi raket hücumu: Ölü və yaralıların sayı artdı

Rusiyanın Ukraynanın müxtəlif şəhərlərini kütləvi raket atəşinə tutması nəticəsində beş nəfər ölüb, 127 nəfər yaralanıb.

Ens.az Oxu.az-a istinadən xəbər verir ki bu barədə ölkənin Fövqəladə Hallar üzrə Dövlət Xidmətinin (FHDX) mətbuat şöbəsi “Telegram”da məlumat yayıb.

Xatırladaq ki, yanvarın 2-də Rusiya ordusu Ukraynaya 99 ədəd müxtəlif tipli raket atıb ki, onlardan cəmi 72-sini zərərsizləşdirmək mümkün olub. Raket zərbələrinin çoxu paytaxtın payına düşüb.

13:51

Rusiya Silahlı Qüvvələrinin Ukraynaya raket hücumları nəticəsində azı dörd nəfər həlak olub, 92 nəfər yaralanıb.

Bu barədə Ukrayna Prezidenti Volodimir Zelenski özünün “Telegram” hesabından xəbər verib.

Onun sözlərinə görə, dekabrın 31-dən Rusiya ordusu artıq 170-ə yaxın “Shahed” dronlarından və onlarla müxtəlif tipli raketlərdən istifadə edib.

“Hücumların əksəriyyəti mülki hədəflərə yönəlib”, - deyə dövlət başçısı vurğulayıb.