23 fevral 2020, bazar
.
.
chevron_left chevron_right
İQTİSADİYYAT

"Total"ın Azərbaycanda bərpa olunan enerji sahəsində iştirakı qaz layihələrinə təsir edəcəkmi?

"Total"ın Azərbaycanda bərpa olunan enerji sahəsində iştirakı qaz layihələrinə təsir edəcəkmi?

166 Baxış
"Total"ın Azərbaycanda bərpa olunan enerji sahəsində iştirakı qaz layihələrinə təsir edəcəkmi?

Fransanın "Total" şirkəti ilə bərpa olunan enerji mənbələri sahəsində əməkdaşlıq şirkətin Azərbaycanda qaz layihələrinin reallaşdırılmasına təsir göstərməyəcək.

Bunu Trend-ə Azərbaycanın neft-qaz bazarındakı mənbə bir müddət əvvəl Energetika Nazirliyi və Fransanın “Total Eren” şirkəti arasında Azərbaycanda bərpa olunan enerji sahəsinin inkişaf etdirilməsi məqsədilə imzalanmış anlaşma memorandumunu şərh edərkən deyib.

Bildirilib ki, sənəddə layihənin bir sıra perspektivləri müəyyən edilib: "Biz onlardan bir neçəsinə texniki qiymət vermişik və bu layihələri həyata keçirməyə hazırıq. Anlaşma memorandumu bu konkret layihələr üzərində işə başlamazdan əvvəl atılan ilk addımdır".

Agentliyin müsahibinin sözlərinə görə, "Total" Azərbaycanda bərpa olunan enerji mənbələrindən istifadə üçün, xüsusən də külək parklarının yaradılması istiqamətində yaxşı potensial olduğunu hesab edir:

"Bu layihələr qaz layihələri ilə rəqabət aparmayacaq. "Total"ın ümumi strategiyası Beynəlxalq Energetika Agentliyinin qaz və bərpa olunan enerji mənbələrinin hasilatının və tələbatın artmasını nəzərdə tutan "2 Degress" ssenarisinə uyğundur. Azərbaycanda və digər ölkələrdə qaz sektorunun və bərpa olunan enerji sahəsinin inkişafı mümkündür".

Qeyd edək ki, "Total" neft, qaz və aşağı karbonlu enerji istehsalçısı və tədarükçüsüdür. Şirkət 130-dən çox ölkədə, o cümlədən 1996-cı ildən Azərbaycanda fəaliyyət göstərir.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
İstanbulun təyyarədən görünüşü
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X