Ens.az
25 may 2019, şənbə
.
chevron_left chevron_right


TİBB VƏ SAĞLAMLIQ

Uşaqları yedirərkən bunları etməyin

Valideynləri ən çox narahat edən məsələlərdən biri də uşaqların az yeməsi, iştahsız olmasıdır

Uşaqları yedirərkən bunları etməyin

Valideynləri ən çox narahat edən məsələlərdən biri də uşaqların az yeməsi, iştahsız olmasıdır. Əksər analar uşağın sağlamlığını onun kök olması ilə əlaqələndirdiyi üçün bacardıqca ona çox yemək yedirməyə çalışırlar. Ancaq mütəxəssislər bildirir ki, bu, olduqca səhv yanaşmadır. Xüsusilə, uşaq yemək istəmədiyini bildirirsə, onu məcbur etmək lazım deyil. Belə olduğu halda uşaqda iştahsızlıq yaranır.

Mövzu ilə bağlı Axar.az-a açıqlama verən pediatr Altay Abdullaoğlu uşaqlarda iştah yaratmağın yollarından danışıb:

“Bir uşağın boy və çəkisi yaşına görə normaldırsa və ehtiyacı qədər yeyirsə, narahat olmağa əsas yoxdur. Bəzi uşaqlar arıq olsalar da, tam sağlam olurlar. Uşaqların yaxşı və ya pis qidalanması valideynlərin verdiyi tərbiyədən çox asılıdır. Yəni rejimsiz qidalanma, yemək arasında şirniyyatların verilməsi, xəstə olan zaman uşağı məcbur etmək və sair məsələlər uşağı iştahsız edir. Unutmayın ki, uşaq az yeyərək də yaxşı inkişaf edə bilər.

Uşağın qabağına çox deyil, uyğun miqdarda yemək qoyulmalıdır. Əsəbiləşmədən, məcbur etmədən yedizdirmək lazımdır. Uşağa yeməkdən əvvəl keks, peçenye, çərəz kimi qidalar və şirinçay verilməməlidir.

Uşağın həvəsini artırmaq üçün bəzəkli boşqablardan istifadə etmək, yeməyi müxtəlif formada təqdim etmək lazımdır.

Açıq havada gəzdirmək də uşağın iştahının açılmasına səbəb olur. Uşağı televizorla, telefonla yedirtmək, həkim məsləhəti olmadan vitaminləri içirtmək yanlış metoddur. Analar uşaqların kökəlməsinə deyil, normal inkişaf etməsinə diqqət etməlidirlər”.


VİDEO QALEREYA
Albert Eynşteynin Prinstondakı ofisi. Eynşteynin stolunda hər zaman çoxlu sənəd, müxtəlif mövzulu kitablar olurdu. Onun belə bir sözü var: Əgər stoldakı qarışıqlıq beyindəki qarşılıqdırsa, bəs boş stol nə məna daşıyır?
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X