31 may 2020, bazar
.
.
chevron_left chevron_right
MƏDƏNİYYƏT

Xalq yazıçısı Elçinin “Baş” romanı Türkiyədə nəşr edilib

Xalq yazıçısı Elçinin “Baş” romanı Türkiyənin “İş Bankası Kültür Yayınları” nəşriyyatında nəfis tərtibatda çap edilib.

170 Baxış
Xalq yazıçısı Elçinin “Baş” romanı Türkiyədə nəşr edilib

Xalq yazıçısı Elçinin “Baş” romanı Türkiyənin “İş Bankası Kültür Yayınları” nəşriyyatında nəfis tərtibatda çap edilib.

AZƏRTAC xəbər verir ki, nəşriyyat əsərlə bağlı geniş şərhlər verməklə, müəllifi oxuculara “Modern ədəbiyyatın ən önəmli təmsilçilərindən” biri kimi təqdim edib. Türk dilinə Azad Ağaoğlu tərəfindən çevrilən roman Elçinin qardaş ölkədə nəşr edilmiş 26-cı kitabıdır.

“Baş” romanı xarici ölkələrdə böyük maraqla qarşılanmaqdadır. Belə ki, əsər rus dilində Moskvada “Xudojestvennaya literatura” nəşriyyatında çap olunub, “Yunost” jurnalında və məşhur “Roman-qazeta”da təkrar dərc edilib. Əsər Qahirədə ərəb dilində, Berlində alman dilində, Kişinueda moldav dilində yerli oxuculara təqdim olunub, London və Romada isə ingilis və italyan dillərində nəşrə hazırlanır.

İki il öncə roman çapdan çıxarkən mövzusu, orijinallığı və yüksək bədii xüsusiyyətlərinə görə oxucuların dərin marağına səbəb olmuşdu. Ədəbi ictimaiyyət əsəri ədəbiyyatımızın yeni uğuru kimi qiymətləndirmişdi.

Qeyd edək ki, “Baş” romanında Azərbaycan xanlıqlarının idarə olunması, əhalinin yaşayışı və üzləşdiyi çətinliklər, eləcə də həmin dövrdə xalqımızın mədəni-məişət həyatı zəngin bədii koloritlə, obrazların dili ilə oxucuya çatdırılır. Əsər oxucunu XIX əsrin əvvəllərinə aparır. Bakıda və Qarabağda cərəyan edən, Sankt-Peterburqda, İranda baş vermiş hadisələr romanda bəhs olunan dövrün sosial-siyasi mənzərəsini yaradır.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Nizami Gəncəvi
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X