Yeni optik lif İnternetin sürətini yüz dəfə artıracaq

Avstraliya alimlərinin araşdırması heyrətamiz imkan təklif edir: İnternetin sürətini yüz dəfə artırmağa qadir olan optik lif.

Optik lif uzun və nazikdir, təmiz şüşədən hazırlanıb. Onları optik kabel adlanan dəstələrə yığırlar və onlardan işıq impulsları keçir.  RMIT Avstraliya Universitetinin yeni araşdırması ondan xəbər verir ki, bu işığı spirala çevirsək, ötürmə sürətini bir neçə dəfə artırmaq olar. İndi işıq impulsları güzgüdəki kimi əks olunur. Spiral bu impulslar üçün üçüncü ölçünü və ya “bucaq anının orbital səviyyəsi”ni yaratmağa kömək edəcək. Fizikada bu spin adlanır.

“Cüt spirala baxsaq, bu DNT-ə oxşayır”, - universitetin professoru və bu konsepsiyanı yaradan araşdırma komandasının rəhbəri Min Qu deyib. - “Nə qədər çox bucaq anı istifadə etsəniz, bir o qədər çox informasiya keçirə bilərsiniz”.

Başqa liflər artıq işığı çıxara bilirdi, amma onlar nahar stolu ölçüsündə olduğu üçün tətbiqi çox çətin idi, yeni optik lif isə insan saçının enindədir.

Qu deyir ki, texnologiya artıq avstraliya şəbəkəsinin təkmilləşdirilməsi üçün əlçatandır, hərçənd hökumət hələ də bu məsələdə daxil danışıqlar aparırlar. Yeni optik lifin tətbiqi avadanlıq istehsalçıları və mobil operatorlar tərəfindən yeni standartın qəbulunu tələb edəcək. Həmçinin həm göndərən, həm də qəbul edən tərəfindən olan cihazların belə yüksək sürətin öhdəsindən gəlməsi sualı yaranır ki, bu da “avadanlıq”ların yeni kabelin imkanlarına çatana qədər onun istifaədsinin faydasını ciddi şəkildə məhdudlaşdıracaq. Amma alimlərin özü əmindir ki, kabellər hazırdır və artıq bazara çıxarıla bilər.

Mənbə: Popmech.ru