ABŞ İsrailə ağır bombalar göndərib

ABŞ İsrailə ağır bombalar göndərib

Co Bayden administrasiyasının İsrailə tədarükünə qadağa qoyduğu ağır MK-84 bombaları daşıyan ilk gəmi də gecə saatlarında Aşdod limanına gəlib.

Ens.az Apa.az-a istinadən xəbər verir ki,bu barədə İsrail Müdafiə Nazirliyi məlumat yayıb.

Gəmidən boşaldılan bombalar yük maşınları ilə İsrail aviabazasına daşınıb.

Müdafiə naziri Israel Katz bunun İsrail və ABŞ arasında güclü müttəfiqliyin növbəti sübutu kimi dəyərləndirib və bu qərara görə Donald Tramp administrasiyasına təşəkkür edib.

 

Qeyd edək ki, ABŞ dövlət katibi Marko Rubio da Yaxın Şərq turnesi çərçivəsində bu gecə Təl-Əvivə səfər edib.