29 mart 2020, bazar
.
.
chevron_left chevron_right
ELM

Alimlər insanabənzər meymunların yeni növünü müəyyən ediblər

Alimlər insanabənzər meymunların yeni növünü müəyyən ediblər

304 Baxış
Alimlər insanabənzər meymunların yeni növünü müəyyən ediblər

Sürix Universitetinin tədqiqatçıları insanabənzər meymunların yeni növünü müəyyən ediblər. İndiyədək hesab olunurdu ki, oranqutan meymunlarının dünyada bir-birindən təcrid olunmuş şəkildə yaşayan cəmi iki növü mövcuddur: Sumatra və Borneo oranqutanı.

İsveçrəli alimlər isə sübuta yetiriblər ki, İndoneziyanın Sumatra adasının şimal hissəsində bu primatların müstəqil şəkildə yaşayan başqa bir növü də mövcuddur. Aparılan antropoloji tədqiqatlar nəticəsində Tapanuli oranqutanı (pongo tapanuliensis) adlandırılan növ kəllə-beyin forması, gen strukturu və digər əlamətlərinə görə digər iki növdən fərqlənir. Təxminən 10-20 min il bundan əvvəl digər iki növdən təcrid olunmuş şəkildə yaşamağa başlayan bu növün populyasiyası təxminən 800 meymunu əhatə edir.

Elm aləminə insanabənzər meymunların indiyədək məlum olan altı növünə daha birinin də əlavə olunması alimləri sevindirsə də, Tapanuli oranqutanı yox olmaq təhlükəsi qarşısındadır. Sumatra adasının Tapanuli regionunda meşələrin əkin sahəsinə çevrilməsi və yaxın gələcəkdə su anbarının inşası layihəsi cəngəlliklərdə yaşayan bu növün yaşayış arealını məhv edə bilər. Buna görə də alimlər yerli qurumları və beynəlxalq təşkilatları bu nadir növün qorunması üçün ciddi addımlar atmağa çağırıblar.

Elgün Niftəli

AZƏRTAC-ın xüsusi müxbiri





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Dünyanın ən yüksəksürətli avtomobili - İtaliyada istehsal olunmuş Pininfarina Battista markalı elektrik avtomobilidir. Avtomobili istehsal edən Automobili Pininfarina şirkəti bildirib ki, Battista avtomobili 2 saniyənin içində 100 km/saat sürət yığır
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X