Çalxalanaraq aktiv olunan kapsul içməyə yarasız suyun keyfiyyətini yoxlayir və dezinfeksiya edir

Koreyada suyun təmizlənməsi və yoxlanması üçün ucuz alternativ ola biləcək texnologiya hazırlanıb və sınaqdan keçirilib.
Tədqiqatçılar Nature Water jurnalında dərc olunmuş məqalədə öz innovasiyalarını belə izah ediblər :  “FDGD (floating-induced detection-guided disinfection- üzmə mexanizmi ilə işə düşən, deteksiya və dezinfeksiya sistemi) adlanan bu system su üzərində üzən kiçik bir plastik kapsuladır”

Cihazın fəaliyyətini aktiv etmək üçün onu bir neçə saniyə ərzində çalxalamaq kifayyətdir ki, daxilindəki maqnit rulon boyunca hərəkət etsin və nəticədə qısamüddətli elektrik enerji yaransın. Bu enerji kapsulun daxilindəki su sensorunu işə saldıqdan sonra sensor suyun elektrik keçiriciliyini ölçür və nəticələri dərhal istifadəçinin smartfonuna və ya ağıllı saatına ötürür.

Sensor suyun ümumi həll olunmuş maddələrini yoxlayır  və mineralların və duzların miqdarını ölçür. Bu göstərici kənd təsərüffatında suya buraxılmış ionların nəticəsində suyun keçiriciliyinin dəyişilməsilə yaranan çirklənmənin müəyyən edilməsində istifadə olunur.

Mikroblorların məhv edilməsi

Suyun kimyəvi tərkibini oxuduqdan  sonra cihaz suyun təhlükəsiz həddə olub-olmadığını müəyyən edir. Əgər su təhlükəsiz deyilsədezinfeksiya prosesi üçün kapsul suyun içində saxlanılır. Axan suda kapsulun, axan suda istifadəçinin xəfif dalğavari hərəkətləri nəticəsində statik enerji yaranır, kapsulun xarici səthində yerləşən mikroskopik çubuqlar işə düşür. Bu çubuqlar cihazın səthində güclü elektrostatik qüvvələr yaradır və yaxınlıqda olan virus və bakteriyaların xarici membranlarını zədələyərək onları təsirsiz hala gətirir. Bu üsul elektroporasiya (electroporation) adlanır.

Tədqiqatçılar laboratoriyada 4 litrlik su olan qablarda müxtəlif sürətlərlə kapsulu sınaqdan keçirdilər. Və bu qabların hər birində çay, kran suyu kimi müxtəlif nümunələrə E.coli kimi geniş yayılmış müxtəlif bakteriyalar və viruslar əlavə ediblər. Kapsul müxtəlif nümunələrdəki bakteriya və virusların 99.9999%-ni uğurla təsirsiz hala gətirib.

Tədqiqatçılar yazırlar:  “Bu tədqiqat kinetik enerjidən istifadə edərək elektromaqnit induksiyası və kontakt elektrifikasiyası vasitəsilə ilə elektrik yaradan portativ kapsul hazırlayıb. Eyni zamanda, xarici enerji mənbəyinə və kimyəvi maddələrə ehtiyac olmadan kapsul tapşırıq əsasında suyun keyfiyyətinin aşkarlanması və dezinfeksiyasını təmin edir.”

Gələcək perspektiv

Hazırda tədqiqatçılar cihazı geniş istifadəyə uyğunlaşdırmaq üçün təkmilləşdirmə yolları axtarırlar.  Əgər bu texnologiya bazara çıxarsa, suya ehtiyacı olan insanlar üçün çox əlçatan və ucuz bir həll ola biləcəyi düşünülür.

“Suya ehtiyac yarandıqda insanlar potensial olaraq təhlükəli suyu toplaya və sərfəli FDGD kapsulundan istifadə edə bilərlər”

 Mənbə:Techxplore.com