25 may 2020, bazar ertəsi
.
.
chevron_left chevron_right
ELM

Alimlər xərçəng hüceyrələri müxtəlifliyinin yeni mənbəyini tapıblar

Alimlər xərçəng hüceyrələri müxtəlifliyinin yeni mənbəyini tapıblar

90 Baxış
Alimlər xərçəng hüceyrələri müxtəlifliyinin yeni mənbəyini tapıblar

Xərçəng xəstəliyinin müalicəsində müxtəlif bədxassəli hüceyrələr böyük problem olaraq qalır. Avstraliya alimləri, onların necə yeni xüsusiyyətləri əldə etməyi bacardığını və nəticədə metastazlarla bədənə daha sürətli yayıldığını aşkar ediblər.

Xərçəng hüceyrələrinin əksəriyyəti kimyaterapiya ilə öldürülə bilər, lakin bədxassəli hüceyrələr bir-birlərindən öz həssaslıqlarına görə fərqlənir, buna görə də bəziləri müalicədən "yayına" bilir. Xərçəng hüceyrələrinin müxtəlifliyi, xəstəliklə mübarizədə universal alətlərin istifadəsini nisbətən çətinləşdirir. Sidney Universiteti alimlərinin həyata keçirdikləri araşdırmalar bu çətin vəziyyətin öhdəsindən gələ bilər.

Alimlər xərçəng hüceyrələrinin müxtəlifliyinin tamamilə yeni mənbəyini kəşf ediblər. Bunun, xərçəng xəstəliyinin müalicəsində istifadə edilən yeni üsulların təkmilləşdirilməsində böyük əhəmiyyəti var.

Əvvəllər müxtəlifliyin , əsasən, xərçəng hüceyrələrinin genetik dəyişməsi ilə əlaqədar olduğuna inanırdılar. Daha sonra, 2012-ci ildə elm adamları aşkar etdilər ki, xərçəng hüceyrələri öz tərkibini sağlam fibroblastlarla (birləşdirici toxuma hüceyrələri) dəyişirlər , lakin bu qarşılıqlı təsir mexanizmi naməlum olaraq qalıb.

Yeni araşdırmalarda, ehtimal edilir ki, hüceyrələrarası müvəqqəti mikro birləşmələr sitoplazmanın qonşu hüceyrəyə "sıçramasına" imkan yaradır. Uzun müddət davam edən təcrübələr bu fikri təsdiqləyib.

Araşdırmanın müəllifi Hanson Zellner bildirib : "Xərçəng hüceyrələrini daha aqressiv hala gətirən, əvvəllər məlum olmayan yeni bir bioloji mexanizm kəşf etdik" .

Bu qarşılıqlı təsir nəticəsində xərçəng hüceyrələri ölçü və forma baxımından müxtəlif olur və bədən boyunca daha sürətlə yayılır. Ilkin təcrübələr , bu mexanizmin kimyaterapevtik dərmanların təsirinə maneə törətdiyini də göstərib.

Kəşf , xərçəngin müalicəsində yeni bir terapevtik hədəfə işarə edir. "Artıq nə baş verdiyini bilirik və hüceyrələrarası mikro birləşməni dayandıran üsulu tapmaqla qarşılıqlı təsir mexanizminin qarşısını ala bilərik" deyə Zellner əlavə edib.

Qeyd edək ki, bu yaxınlarda Amerika alimləri xərçəng hüceyrələrinin davranışını izləyən və sağlam toxumalara nüfuz etməsi haqqında məlumat verən bir cihaz hazırlayıb.


Tərcüməçi: Fəxri Qocayev


Mənbə: hightech.plus




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Yunanıstanın ikinci böyük şəhəri olan Saloniki 1997-ci ildə Avropa mədəniyyət paytaxtı seçilmişdir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X