ASUS Zephyrus S şirkətin ən nazik oyun noutbuku yerini tutdu

Ens.az xəbər verir ki, ASUS Zephyrus S adı altında nazik oyun noutbuku təqdim etdi. Xatırladaq ki, Zephyrus xətti keçən il Computex sərgisində debüt etmişdi və NVIDIA GTX 1080 Max-Q videokartları ilə təchiz olunmuşdu. 2018-ci ilin aprel ayında istehsalçı klassik dizaynlı klaviatura və bir az zəif GTX 1070 Max-Q ilə təchiz olunmuş yenilənmiş Zephyrus M modelini təqdim etdi. İndi tayvan şirkəti seriyanı daha bir cihazla genişləndirdi ki, o da istehsalçının ən nazik oyun noutbuku oldu.

Zephyrus S modelinin qalınlığı 14,95mm ilə 15,7mm arasında dəyişir. Noutbuk nazik çərçivəli, Full HD ölçülü, 144Qhz tezlikli və 3ms reaksiya vaxtlı 15,6 düymlü displeylə təchiz olunmuşdur.

Qeyd olunur ki, minimal çərçivə sayəsində yenilik 14 düymlü modellərin ölçüləri ilə müqayisə olunandır. Zephyrus S noutbukunun daxilində Intel Core i7-8750H prosessoru, NVIDIA GTX 1070 Max-Q və ya GTX 1060 qrafikası işləyir.

Zephyrus S xəttin ilk modelində olduğu kimi sağ tərəfində aşağıda trekpədi olan klaviatura əldə etdi. Bu ASUS-a noutbuka 12 voltlu kulerli və optimallaşdırılmış radiatorlu təkmilləşdirilmiş soyutma sistemini tətbiq etməyə imkan verdi.

Bundan başqa, ASUS 17 düymlü Strix Scar II GL704 oyun modelini göstərdi. Noutbuk Zephyrus S modeli ilə tam eynidir, amma maksimal komplektində ancaq GTX 1060 videokartı var. 

LED işıqlandırması olan ASUS kompüteri sahibləri üçün həmçinin daxili LED işıqlanma idarəetməsi üçün genişləndirilmiş ayarlara malik Armoury Crate proqramı da buraxılıb.

Mənbə: engadget.com (4pda.ru)