"AzerGold” qızılını Neft Fonduna satacaq - "Müqavile hazırlanır"

"AzerGold” QSC hasil etdiyi qızılın Azərbaycan Dövlət Neft Fonduna (ARDNF) satışına dair müqavilənin hazırlanması üzrə işləri başa çatdırır.

Bu barədə cəmiyyətin sədri Zakir İbrahimov məlumat verib.

"Hazırda “AzerGold” fondun müvafiq müraciəti əsasında müqavilə (qızıl satışına dair) üzərində işi yekunlaşdırmaq üzrədir. Daha sonra hasil etdiyimiz qızıl ARDNF-ə veriləcək və bununla da fondun qızıl ehtiyatı Azərbaycan qızılının hesabına da formalaşacaq”. – deyə o, AzTV-yə müsahibəsində bildirib.

"AzerGold"un məlumatına görə, 2017-ci ilin aprel ayından bu günədək cəmiyyət “Çovdar” yatağından hasil edilmiş 81,1 min unsiya qızıl və 120,5 min unsiya gümüşün ixracı və beynəlxalq bazarlarda satışından 180 mln. manatdan çox gəlir əldə edib.

"AzerGold" QSC prezident İlham Əliyevin 11 fevral 2015-ci il tarixli fərmanı ilə yaradılıb.

ARDNF-də neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən daxil olan gəlirlər toplanır. 

Mənbə: Marja.az