Bu ay azərbaycanlılar Google-da nə axtarıb?

Hər təqvim ayı bir insanın həyatında, eləcə də ölkə tarixində müəyyən iz qoyur. Müxtəlif mövzuları ilə yadda qalan avqust da bunun baris nümunəsidir. 

 Beləliklə, avqust ayı ərzində azərbaycanlılar Google-da nə axtarıblar? Nə ilə maraqlanıblar?

Ens.az xəbər verir ki, TED.az olaraq bu ay ərzində ən çox axtarılan sözlərin siyahısını sizə təqdim edirik:

 1. Lotu Quli

Lotu Quli — Azərbaycanlı “qanuni oğru” kimi tanınan Nadir Səlifovun ləqəbidir. Kriminal aləmin lideri hesab olunan Nadir Səlifov 20 avqust tarixində güllələnib. 

 2. Çepionlar Liqası

UEFA Çempionlar Liqası — Avropanın öz ölkə çempionatlarında müvəffəqiyyət qazanan klubların mübarizə apardığı ən məşhur futbol turniridir. Avqust ayının 31-də Çempionlar Liqasının qalibi müəyyənləşdi, həmçinin Azərbaycanın "Qarabağ" adlı futbol komandasının növbəti rəqibi bilindi.

 3. Çimərlik.az 

Cimerlik.az — çimərlikdə onlayn növbə prosedurunu həyata keçirmək üçün yaradılan saytdır. Platforma 5 avqustdan etibarən işə salınıb.

 4.Ramiz Mehdiyev 

Ramiz Mehdiyev — Azərbaycanın siyasi xadimi, Azərbaycan Milli Elmlər Akademiyasının prezidenti (2019-cu ildən), Azərbaycan Respublikası Prezidentinin Administrasiyasının rəhbəri (1995–2019), Azərbaycan Fəlsəfə və Sosial-Siyasi Elmlər Assosiasiyasının prezidenti, AMEA-nın həqiqi üzvü; Azərbaycan Respublikasının Həqiqi Dövlət müşaviridir. KİV-in yaydığı məlumata əsasən, avqustun 18-də keçirilən R.Mehtiyevin nəvəsinin toyu gündəmə gəlmişdir.

 5. CBC Sport

CBC Sport — Azərbaycanda fəaliyyət göstərən ixtisaslaşmış idman kanalıdır. Kanal canlı olaraq bütün idman növlərinin matçlarını translasiya edir.