DİN-dən əməliyyat: 16 “kəriməçi” yaxalandı

Narkotik vasitələrin satışından maliyyələşərək Azərbaycanda dini radikalizmin təbliğinə və digər pozuculuq fəaliyyətə cəlb edilən şəxslər polis əməkdaşları tərəfindən həbs edilib.

Axar.az-ın əldə etdiyi məlumata görə, onlar dini anlayışı olmayan narkotik aludəçilərini başqa-başqa şəxslərin əli ilə yardım adı altında əməkdaşlığa cəlb edərək, narkotik vasitlərin satışını təşkil etməklə “kərimə dövlət”in əlaqələrini dərinləşdirməyə çalışıblar.

Əsasən İrandan idarə edilən dini-siyasi mərkəzlərin tapşırıqlarını yerinə yetirən şəxslərin məqsədi narkotik aludəçilərini, xurafata meyilli şəxsləri öz çirkin niyyətlərinə alət etmək olub.

Polis tərəfindən ifşa olunan növbəti şəbəkə üzvlərinin - A.Əliyev, C.Balaşov, Ə.Əsədullayev, Ə.Firudinbəyli, İ.Həsənov, M.Əhmədov, M.Fətəliyev, M.Məmmədov, M.Rzayev, R.Rüstəmov, S.Məmmədov, Ş.Süleymanov, T.Həşimov, T.Qasımov, V.Fərzəliyev, V.Pənahəliyevin əlaqələri, onların pozuculuq fəaliyyəti haqqında sosial şəbəkə hesablarında xeyli inkarolunmaz faktlar var.

Həmin şəxslər radikal əməllərini heç vaxt inkar etməyiblər, vətəndaşı olduqları ölkənin qanunlarına yox, özlərinə lider hesab etdikləri “ağanın qaydaları”na uyğun həyat tərzi sürüblər.