1. AVTO VƏ MOTO

DOOSAN GROUP

DOOSAN GROUP

DOOSAN GROUP HAQQINDA

Doosan Group (koreyaca 두산 그룹) - ən böyük Cənubi Koreya çebollarından (maliyyə sənaye qruplarından) biridir. Bütün dünya üzrə geniş spektrli müəssisələr və nümayəndəliklər şəbəkəsinə malik beynəlxalq korporasiyadır. Daewoo Heavy Industries & Machinery şirkətini 2005-ci ildə əldə etdiyi andan, Doosan inşaat texnikası bazarına da yönəldi. Onda hər şey ekskavatorlar və ön yükləyicilərlə başladı. Hal-hazırda Cənubi Koreyalı Doosan şirkəti yerqazan və yol-tikinti texnikasının istehsalı üzrə dünyada 7-ci yeri tutur.

STATİSTİKA

Şirkətin illik dövriyyəsi 11 milyard dollar təşkil edir. Dəyişikliklər nəticəsində Doosan tədricən öz seqmentində liderliyə nail olmaq strategiyasını həyata keçirir. 2012-ci ilin sonunadək tikinti texnikası və avadanlığı istehsalçısı Caterpillar və Komatsu-dan sonra böyüklüyünə görə, 12 mlrd. dollar illik satış dövriyyəsi ilə dünyada üçüncü olmağa ümid edirdi.

Şirkətin məhsulları ekskavatorlar, istehlak malları, daşınmaz əmlak, maliyyə xidmətləri, IT xidmətləri, media, pərakəndə satış, sənaye avadanlıqları və konsaltinqdir(Bazarın strukturunu, bazar qiymətlərini və onların tendensiyalarını öyrənmək üçün tədbirlər).

TARİXİ

Doosan Group 1896-cı ildə yaradılıb. Şirkət 1896-cı ildə Seulda bir mağaza kimi fəaliyyətə başladı. O vaxtdan etibarən, Doosan çoxmillətli, çoxşaxəli biznes - imperiyaya çevrildi, istehlak malları, istehsal və ticarət və tikinti sahələrinə xüsusi diqqət yetirir.

Doosan son 10 ildə bir neçə iri şirkətin hesabına yeni qlobal artım strategiyası hazırladı, o cümlədən 2001-ci ildə Doosan Heavy Industries (əvvəllər Koreya Heavy Industries, təmizləyici qurğular üzrə ixtisaslaşan ağır maşınqayırma şirkəti), 2004-cü ildə Koryeo və 2005-ci ildə Doosan Infracore (keçmiş Daewoo Heavy Industries, tikinti texnikası üzrə ixtisaslaşan şirkət).

2006-ci ildə Doosan bir sıra dünya şirkətlərini, o cümlədən Mitsui Babcock (adı dəyişdirilərək Doosan Babcock) şirkətini və Rumıniyanın Kvaerner IMGB tökmə və döymə üzrə iri şirkətini aldı.

2007-ci ildə Doosan aparıcı tikinti texnikası şirkətini - dünyanın ən böyük kiçik tikinti texnikası təchizatçısı olan Bobcat USA şirkətini əldə etdi. Doosan Group şirkətinin orta və böyük tikinti maşınlar üzrə ixtisaslaşan törəmə müəssisəsi olan Doosan Infracore-nin Bobcat USA şirkətini əldə etdikdən sonra Doosan Group, dünyanın ən böyük tikinti texnikası təchizatçıları arasında 7-ci oldu.

Doosan hazırda Koreyada 25 və 35 ölkədə 86 xarici şöbəyə, 38.000-dən çox işçiyə (Koreyada 20.000, xarici ölkələrdə 18.000) və dünyada 1400-dən çox diler şəbəkəsinə malikdir.

HADİSƏLƏRİN XRONİKASI

1896 - Doosan Group quruldu

1937 - İlk Chosun Machine zavodu quruldu

1958 - öz mühərriklərinin istehsalının başlanması

1963 - Şirkətin yeni adı yarandı - "Korean Machinery Industries Corp."

1966 - Şirkətin səhmləri Cənubi Koreya Fond Birjasına qoyuldu

1975 - Mühərrik istehsalı zavodu fəaliyyətə başladı

1976 - Daewoo Industrial Co., Ltd. təsis edildi; hazırda Daewoo International Corporation kimi tanınır

1976 - Koreya Machinery Industries Corp. Daewoo Group-a üzv olur və "Daewoo Heavy Industries Co., LTD" adını alır

1977 - Cənubi Koreyada mühərriklərin, ekskavatorların, iş avadanlıqlarının və dəzgahların istehsalı üçün zavodların tikintisi başa çatdı

1990 - Belçikada Euro-Daewoo S.A. zavodu açıldı

1993 - Cəmi illik istehsal 30 min ədəd təşkil etdi

1994 - Çində Daewoo Ağır Sənaye Yantai Co., LTD quruldu

1994 - ISO 9001 beynəlxalq keyfiyyət sertifikatı aldı

1996 - Cənubi Koreyada keyfiyyət sahəsində əsas mükafata layiq görüldü

1997 - İlk dəfə olaraq, bütün avadanlıqların illik istehsalı 50 mindən çox ədədə çatdı

1997 - Dizel mühərriklərinin yenilənmiş seriyasının istehsalına başlanıldı

2000 - Daewoo korporasiyasının daha yaxşı idarə olunması üçün üç yeni şirkətə çevrilməsi: ticarətdə Daewoo International Corporation, tikintidə Daewoo Engineering & Construction Co., Ltd. və digər sahələrdə Daewoo Corporation

2000 - Daewoo Heavy Industries & Machinery LTD Daewoo Heavy Industries şirkətindən ayrılaraq müstəqil oldu

2000 - dizel mühərriklərinin yenilənmiş seriyasının istehsalına başlanıldı

2004 - Noyabr ayında ixrac satışları gündə 1 milyard dollara çatdı

2005-2006 - Daewoo Heavy Industries & Machinery-nin mühərriklər və tikinti texnikası bölməsi Cənubi Koreyanın Doosan Infracore korporasiyasının tərkibinə düşdü; məhsullar Daewoo-Doosan markası altında istehsal olunur

2006 - Çində olan zavod il ərzində 30 min ədəd texnika buraxdı

2007 - Bütün məhsullar Doosan markası altında istehsal olunur

2007 - Noyabr ayında ixrac satışları gündə 2 milyard dollara çatdı

2007 - Doosan Infracore, ən kiçik ABŞ-ın mini avadanlıqları istehsalçısı olan Bobcat Ingersoll-Rand Company Limited şirkətini satın aldı. Bobcat-ın satın alınması Doosan şirkətlər qrupunun satışını 7,4 milyard dollara çatdırdı və bu şirkətin dünya istehsalçılarının sıralamasında 19-cu yerdən 7-ci yerə qaldırdı

2007 - Vahid diler şəbəkəsi dünyada 3500 şirkətdən və Cənubi Koreya, ABŞ, Avropa və Çində 20 zavoddan ibarətdir

2009 - Vyetnamda yeni bir zavod açıldı

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Hacı Zeynalabdin Tağıyev. Bakı, XX əsrin əvvəlləri.

Redaktor seçimi

SON XƏBƏRLƏR