Slimfit
  1. ƏDƏBİYYAT

ELŞƏN İSMAYIL : SƏSİN DÜŞƏR YADIMA...

ELŞƏN İSMAYIL : SƏSİN DÜŞƏR YADIMA...
Sakura

ELŞƏN İSMAYIL : SƏSİN DÜŞƏR YADIMA...

SƏSİN DÜŞƏR YADIMA...

Səsin düşər yadıma

hər yağış yağanda...

Yağışın hər damlası 

səni andırır...

 

Səsin düşər yadıma:

ildırımın çaxması

və yağış damcılarının 

üzümə çarpması 

kimi...

 

Səsin düşər yadıma:

arzular hayqıranda,

dəlisov hislərim 

səni axtaranda...

 

Qaçaram bu eldən,

açaram yeni ömrə 

bir qapı, əlimdə açar...

Saçar işıqlarını gecənin aydınlığı

ayın ardından, yağışla birgə...

 

Və ömür 

bir piano 

melodiyası kimi

axdıqca yada sən düşürsən...

Niyə getdin, heç düşünürsən?

 

Qalma dənizlərdən dala, 

onlar kimi əsib coşub 

get... 

Yıx, vur, dağıt ... 

 

Həmişəki kimi məhv elə

özündən başqa hər şeyi...

yox elə özünü, bəli...

Məgər mən sən deyiləm?

Və sən mənim ruhumdasan... 

 

Səsin düşər yadıma,

yağış damcıları 

yerdə su ilə rəqs edəndə...

itəndə, bitəndə hər yağmur hekayəsi,

gecədən səhərədək səslənən

ayrılıq nəğməsi... 

 

ELŞƏN İSMAYIL

07.08.2020

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Dişləri yumaq üçün 1 noxud miqdarında diş pastası kifayətdir.

Redaktor seçimi

SON XƏBƏRLƏR