Alexa
19 oktyabr 2018, cümə
.
9
Ağcabədi
.
chevron_left chevron_right
Türkiyə

Ərdoğan: “Dünyada bunu bacaran heç bir siyasətçi yoxdur”

Türkiyə ən böyük ticarət partnyorları ilə milli valyutalarla ticarətə aparmağa hazırlaşır.

1750 Baxış
Ərdoğan: “Dünyada bunu bacaran heç bir siyasətçi yoxdur”

Publika.az “Anadolu” agentliyinə istinadən xəbər verir ki, bunu Türkiyə prezidenti Rəcəb Tayyib Ərdoğan Rize şəhərində mitinqdə çıxışında bildirib.

“Biz artıq Çin, Rusiya, İran və Ukrayna ilə milli valyutalarla ticarət aparmağa hazırlaşırıq. Əgər Avropa ölkələri də dolların təzyiqindən azad olmaq istəyirsə, onlarla da analoji sistemi yaratmağa hazırıq”, - o deyib.

Ərdoğan həmçinin qeyd edib ki, Ankara dünyaya elan edilən iqtisadi müharibə ilə bağlı vəziyyətə dözmək niyyətində deyil. O həmçinin xatırladıb ki, dünyada Türkiyə barəsində düşmən siyasət həyata keçirərək müvəffəqiyyət qazanmağı bacaran heç bir siyasətçi yoxdur.

Prezident həmçinin söz verib ki, bu millətin ahını alan hər kəs gec-tez bəlasını tapacaq.

“Məsələnin dollar, avro və qızıl olmadığını biz çox yaxşı bilirik. Bunlar ölkəmizə qarşı başladılan iqtisadi müharibənin güllələridir. Əlbəttə, bunlara qarşılıq vermək üçün lazımi tədbirlər görmüşük, görəcəyik. Amma ən vacibi bu silahları tutan əlləri sındırmaqdır. Elə zənn edirlər ki, valyutanın kursunu qaldırmaqla Türkiyə yıxılacaq, elə zənn edirlər ki, maliyyə vasitələrindən istifadə etməklə bu millət diz çökəcək, elə zənn edirlər ki, bizə fərqli hüquq tətbiq edərlərsə, bu ölkə təslim olacaq. Biz bütün dünyaya iqtisadi müharibə elan edən, sanksiya təhdidləri ilə ölkələri xəraca bağlayan bu nizamı əsla qəbul etmirik”, - Türkiyə prezidenti vurğulayıb.

VİDEO QALEREYA
Kapri, İtaliya
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

adscode X