Slimfit
  1. AVTO VƏ MOTO

FACEL - VEGA

FACEL - VEGA
Sakura

FACEL markası altında nüfuzlu avtomobillər istehsal edən fransız avtomobil istehsalçısıdır

1954-cü ildən 1964-cü ilədək FACEL markası altında nüfuzlu avtomobillər istehsal edən fransız avtomobil istehsalçısıdır.

TARİXİ
FACEL (Forges et Ateliers de Construction d’Eure et Loire - Er-a-Luara şöbəsinin əritmə və mexaniki emalatxanaları) böyük bir metallurgiya müəssisəsidir. Jan Danino(Jean Daninos) tərəfindən 1938-ci ildə ağır avadanlıq istehsalı və aviasiya sənayesi ştampları üçün quruldu. FACEL - Paris kənarında, Alman işğalı zamanı şirkət, avtomobillər üçün qaz generatorları istehsal edirdi, 50-ci illərdə isə minik avtomobilləri - SIMCA 8 Sport Coupe, Ford Comete və Panhard Dyna, yük maşınları və avtobuslar üçün əsas gövdə tədarükçüsünə çevrildi. O, digər avtomobillər üçün, məsələn, 50-ci illərin əvvəlindəki Bentley R (Bentley) üçün xüsusi gövdələr istehsal edirdi.

FACEL-in rəhbəri Jan Danino 1954-cü ildə qərar verdi ki, şirkət öz maşınlarını istehsal etməyə başlasın. İlk öz modelinin debütü - ulduzun şərəfinə adlandırılan - Vega, 1954-cü ilin payızında Paris avtosalonunda "Ən yaxşısına sahibi olanlar üçün" şüarı ilə təqdim edildi. Jan Danino maşınlarını ABŞ-da istehsal olunan mexaniki qovşaqlardan yığırdı, çünki onların mexanikasını olduqca etibarlı hesab edirdi. 1958-ci ildə yenilənmiş Facel-Vega HK 500 modeli meydana gəldi, 1961-ci ilin sonunda isə Vega II - FACEL-də hazırlandı, onun gəlməsi ilə markanın "batması" başladı.


50-ci illərin sonundan "pərakəndə" 4 qapılı sedan Excellence hazırlandı. 1958-1963-cü illərdə bu modelin cəmi 152 nüsxəsi işıq üzü gördü. Arxa qapılar "tərsinə" açılırdı. Ön və arxa qapılar arasında sütun olmadığından, maşına minib və düşmək asan idi. Ancaq bu, konstruksiyanı möhkəm etmədi və tezliklə qapıların örtülməsi ilə bağlı problemlər yarandı.


1959-cu ildə kupe və kabriolet gövdələri olan tam fransız Facellia modelini təqdim etdi. Pont-a-Mousson-un çox etibarlı olmayan mühərriki onu və bütün şirkəti məhv etdi. Keyfiyyət o qədər pis idi ki, maşınlar zavoddan çıxan kimi şikayətlər gəlməyə başladı. "Facel-Vega" adı məhv edildi. 1961-ci ildə 126 at gücündə yeni bir mühərrik meydana çıxsa da, bu şirkətə kömək etmədi. Müştərilər Fransa istehsalı olan mühərrikə etibar etmirdilər, buna görə də öz etibarlılığını sübut etmiş Volvo P1800 mühərriki Facel III-də istifadə edildi. 1964-cü ildə Jan Danino markanı ləğv etmək məcburiyyətində qaldı.

Mənbə: AVTO KLUB AZƏRBAYCAN

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Norveçdə körpü

Redaktor seçimi

SON XƏBƏRLƏR