Slimfit
  1. KOSMOS

İlon Mask Yerlə Mars arasında peyk rabitəsi yaradacaq

İlon Mask Yerlə Mars arasında peyk rabitəsi yaradacaq
Sakura

İlon Mask Yerlə Mars arasında peyk rabitəsi yaradacaq

Bir çoxları İlon Maskın Marsı fəth etmək niyyətləri barədə məlumatlıdır. Bir neçə gün əvvəlsə SpaceX direktoru Qırmızı Planetə ilk Starship uçuşunun 2024-cü ildə reallaşacağını və indi SpaceXin Marsda orbitli Starlink peyklərini quracağını deyib.

Ens.az Qaynarinfo-ya istinadən xəbər verir ki, SpaceX prezidenti və COO Qvin Şotvel TIME-a verdiyi son müsahibəsində şirkətin Marsda Starlink peyk sistemini işə salmaq niyyətini açıqlayıb. Şotvel şirkətin insanları Marsa apardığı vaxt rabitə şəbəkələrinə ehtiyac olacağını bildirib.

"Əslində, Starlink kimi bir şəbəkənin Mars yaxınlığında olmasının Yer üzündə olduğundan daha vacib olduğuna inanıram. Ancaq yalnız Mars ətrafında bir peyk sistemi yaratmaq kifayət olmayacaq. Və sonra, əlbəttə ki, iki planeti birləşdirməyimiz lazım olacaq. Biz Marsla Yer arasında etibarlı bir mobil əlaqə haqqında düşünəcəyik”, - Şotvel əlavə edib.

SpaceX prezidenti Marsın gələcək kolonizasiyası barədə nə düşündüklərini də dilə gətirib: "İnsanları Günəş sistemindəki qalan planetlərə köçürməkdən danışarkən heç də dünya ilə bağlı ümidlərin itdiyini iddia etmirik. Həqiqətən, yerdəyişmə insanlara Yerdə bir fəlakət hadisəsi baş verəcəyi halda şans verir. Yerdəyişmə insan cəmiyyətini başqa bir - ikinci dünyada yaşamağa imkan verərək xilas edə bilər”.

Şotvel son illərdə SpaceX-in texniki baxımdan güclü liderliyə sahib olduğunu vurğulayıb. O, ilk dəfə 2002-ci ildə İlon Maskın Yer və Marsı birləşdirən nəqliyyat sistemi inkişaf etdirməyi qarşısına məqsəd qoyduğunu xatırladır və artıq 20 ildən sonra SpaceX-in demək olar bu hədəfə çatdığını deyir.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

San Fransiskoda yerləşən bir şirkətin laboratoriyada toyuq tükündən hazırladığı toyuq əti

Redaktor seçimi

SON XƏBƏRLƏR