İran Trampın təhdidlərindən qorxmadığını açıqlayıb

İran Trampın təhdidlərindən qorxmadığını açıqlayıb

İran ABŞ Prezidenti Donald Trampın təhdidlərindən qorxmur.

"Report" İslam İnqilabı Keşikçiləri Korpusunun (SEPAH) "Telegram" kanalına istinadən xəbər verir ki, bunu İran Ali Milli Təhlükəsizlik Şurasının katibi Məhəmməd Baqir Zülqədr deyib.

Zülqədr Ağ Ev rəhbərinə müraciət edib:

"Daha əvvəl siz 250 illik tarixə malik bir ölkənin prezidenti kimi çoxminillik İran sivilizasiyasının məhv edilməsi ritorikadan istifadə etmişdiniz və bunun nəticəsi sizin üçün yalnız məğlubiyyət, çarəsizlik, həmçinin danışıqlar və atəşkəs xahişləri olub. İranlılar təhdid dilini anlamırlar.

Buna görə də İran xalqı ilə hörmətlə danışın, əks halda biz sizə başqa dildə cavab verəcəyik".

Xatırladaq ki, Tramp Ağ Evdəki çıxışı zamanı Vaşinqtonun ya razılaşma bağlamaqla, ya da digər yollarla İranın nüvə silahına sahib olmasının qarşısını almaq niyyətində olduğunu açıqlayıb.