Slimfit
  1. İQTİSADİYYAT

İsmayıllıda “Kənd təsərrüfatında rəqabət qabiliyyətinin gücləndirilməsi” layihəsi fəaliyyətə başlayıb

İsmayıllıda “Kənd təsərrüfatında rəqabət qabiliyyətinin gücləndirilməsi” layihəsi fəaliyyətə başlayıb
Sakura

İsmayıllıda “Kənd təsərrüfatında rəqabət qabiliyyətinin gücləndirilməsi” layihəsi fəaliyyətə başlayıb

İsmayıllıda Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə edilməsi üzrə Dövlət Xidmətinin, “Gəncə Regional İqtisadi Məsləhət Mərkəzi” İctimai Birliyinin və rayon Kənd Təsərrüfatı İdarəsinin birgə təşkilatçılığı ilə icra olunan “Kənd təsərrüfatında rəqabət qabiliyyətinin gücləndirilməsi layihəsi”nin rayonda fəaliyyətə başlaması ilə əlaqədar tədbir keçirilib.

Tədbirdə layihənin rəhbərliyi, rayon icra hakimiyyətinin məsul işçiləri, yerli icra nümayəndələri, bələdiyyə sədrləri, sahibkarlar və mütəxəssislər iştirak ediblər.

AZƏRTAC-ın bölgə müxbiri xəbər verir ki, rayon Kənd Təsərrüfatı İdarəsinin rəisi Həsən Həsənov çıxış edərək layihənin əhəmiyyətindən danışıb.

Sonra layihənin rəhbəri Arif Cahangirov layihə, onu idarə və icra edən təşkilat haqqında məlumat verib. Vurğulanıb ki, Kənd Təsərrüfatı Nazirliyi və Dünya Bankının birgə icra etdiyi bu layihə “Tarladan süfrəyədək” prinsipinə əsaslanır. Layihənin məqsədi kənd təsərrüfatının seçilən təchizat zəncirlərində təmsil olunan emalçı və fermerlərə birbaşa dəstək olmaqla onların gəlirlərini artırmaq, kənd təsərrüfatında məhsuldarlığı yaxşılaşdırmaq və bazara yerli məhsullar çıxarmaqla, idxalın qarşısını almaqdır.

Bildirilib ki, layihə kənd təsərrüfatının meyvəçilik, tərəvəzçilik, ətçilik və südçülük kimi dörd əsas sahəsini əhatə edir.

Tədbirdə layihənin dəyər zənciri üzrə mütəxəssisi Küşvər Məmmədova “Dəyər zəncirinin inkişafına investisiya və məsləhət xidmətləri dəstəyi” alt layihəsinin təqdimatını keçirib.

Sonda sahibkarları maraqlandıran suallar cavablandırılıb.

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Müasir qumbaraatanın prototipi XV əsrdə hazırlanıb.

Redaktor seçimi

SON XƏBƏRLƏR