5 iyun 2020, cümə
.
.
chevron_left chevron_right
AZƏRBAYCAN

Lənkəranlı fermer becərdiyi yerli “Həşimi” düyüsünü xarici bazarlara çıxarır

Lənkəranlı fermer becərdiyi yerli “Həşimi” düyüsünü xarici bazarlara çıxarır

Lənkəranlı fermer becərdiyi yerli “Həşimi” düyüsünü xarici bazarlara çıxarır

Beş ildir çəltikçiliklə məşğul olan fermer aldığı kredit hesabına çəltik sahəsinin həcmini iki dəfə artıra bilib. Lənkəranın Girdəni kəndində yaşayan fermer Rüfət Əskərov artıq 20 hektar ərazidə çəltik əkir. Ən əsası isə çəltiyə qulluq zamanı aqrotexniki qaydalara tam riayət olunur.

Bu barədə AZƏRTAC-a Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən bildirilib.

Fermerin sözlərinə görə, çəltikçilik rentabelli sahədir, bu sahənin inkişafı üçün maddi dəstəyə ehtiyac var: “Maddi resurs tapmaqda çətinlik çəkirdim, o səbəbdən Kənd Təsərrüfatı Nazirliyi yanında Kənd Təsərrüfatı layihələri və Kreditlərinin İdarə Edilməsi üzrə Dövlət Xidmətinə müraciət etdim. Dövlət xidməti mənim müraciətimi yüksək səviyyədə qarşıladı, müraciətimə baxdılar və müsbət rəy verdilər. Bu il çox yüksək məhsuldarlıq gözləyirəm. Öz sahəmdə yerli, ənənəvi olan “Həşimi” toxumundan istifadə edirəm. Həşimi maraqlı çəltik növüdür. Məhsuldarlığı digər düyülərə nisbətən az olsa da, çox ətirli düyüdür. Buna görə bazarda satılan digər düyülərdən yaxşı mənada fərqlənir. Yerli “Həşimi” düyüsünə tələbat böyükdür və çoxlu sayda insanı öz müştərimizə çevirə bilmişik”.

Rüfət Əskərovun yetişdirdiyi düyünün müştərisi təkcə yerli alıcılarla məhdudlaşmır: “Biz istehsal etdiyimiz düyünü onlayn resurslarda və “Facebook” səhifəmizdə reklam edərək xarici bazarlara çıxarırıq. Düyümüzə xarici ölkələrdə tələbat böyükdür. Hazırda əkdiyimiz düyüyə artıq əvvəlcədən sifarişlər almışıq”.

Fermer deyir ki, yerli və ətirli düyü sortlarından istifadə Azərbaycan mətbəxinin daha da tanıdılmasında mühüm rol oynayır: “Aş yeməklərin şahı hesab olunur. Toy məclislərində, digər məclislərdə, bayram günlərində mütləq aş bişirilir. Ənənəvi, yerli “Həşimi” düyüsündən hazırlanmış ətirli plov doğrudan da süfrəmizin tacı sayıla bilər”.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Yəhudi alimlər sübut edib ki, bir insan 3 gün davamlı yuxuya gedib yatarsa, o zaman o ayılanda kim olduğunu unudar!
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X