Slimfit
  1. TƏHSİL VƏ KARYERA

Nə?Harada?Nə zaman?

Nə?Harada?Nə zaman?
Sakura

Şəmkir məktəbliləri intellektual biliklərini sınayıblar

"Nə? Harada? Nə zaman? intellektual oyunu üzrə I Şəmkir Çempionatı” adlı layihənin ilk mərhələsi başa çatıb

Layihə Azərbaycan Respublikası Təhsil Nazirliyinin Təhsildə inkişaf və innovasiyalar üzrə II qrant müsabiqəsi çərçivəsində həyata keçirilir. Çempionat Vətən torpaqlarımızın bütövlüyü uğrunda canından keçmiş şəhidlərimizin xatirəsinə həsr olunub.

Layihənin keçirilməsində əsas məqsəd şəhid soydaşlarımızın cəmiyyətdə tanıdılması, onların xatirələrinin hər zaman uca tutulması, onlar kimi gələcəkdə vətənə canı ilə bağlı olan şəxsiyyətlərin yetişmələrinə töhfə vermək, eyni zamanda gənclərin elmə, maarifləndirici yarışlara marağının artırılmasına nail olmaqdır.

Layihə ümumilikdə 3 mərhələdən ibarətdır. İlk mərhələdə Şəmkir rayonunda yerləşən 14 tam orta məktəbi əhatə edən “Nə? Harada? Nə zaman?” adlı intellektual yarışma keçirilib.

Layihənin ilk mərhələsi şagirdlərin yay tətili zamanı həyata keçirilib. Bu da onların istirahət günlərində boş vaxtlarını səmərəli keçilmələrinə şərait yaratmaqla bərabər, intellektual oyunlara olan maraqlarının artırılmalarına dəstək olub. Ümumilikdə  yarışda 14 məktəbdən (bunlardan 10-nu kənd məktəbi), 440 şagird iştirak edib. Çempionatda iştirak etmiş hər bir şagirdə fərdi iştirakçı sertifikatı təqdim olunub.

Layihənin növbəti ikinci turu çərçivəsində məktəblər üzrə qalib gəlmiş komandalar 17 və 18 avqust tarixlərində Şəmkir şəhərində, “Zəka” Gənclərin İntellektual İnkişaf və Yaradıcılıq Mərkəzində yarımfinalda yarışıblar.

Layihənin son, yekun mərhələsi çərçivəsində ən güclü 6 komanda final yarışının intellektual mübarizəsində gücünü sınayacaq.

Qeyd  edək ki, Azərbaycan Respublikası Təhsil Nazirliyinin maliyyə dəstəyi ilə Şəmkirdə həyata keçirilən “Nə? Harada? Nə zaman?” İntellektual Oyunu üzrə I Şəmkir Çempionatı meqa layihəsinin tərəfdaşları “Zəka” Gənclərin İntellektual İnkişaf və Yaradıcılıq Mərkəzi və Azərbaycan İntellektual Oyunlar Klubudur.

 

Mənbə: Azərbaycan Müəllimi

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

İnsanların nəfəs aldığı havanın cəmi 20%-ni oksigen təşkil edir

Redaktor seçimi

SON XƏBƏRLƏR