Slimfit
  1. MƏDƏNİYYƏT

Nəsimi rayonunda Cəfər Cabbarlının 120 illik yubileyi qeyd olundu

Nəsimi rayonunda Cəfər Cabbarlının 120 illik yubileyi qeyd olundu
Sakura

Nəsimi rayonunda Cəfər Cabbarlının 120 illik yubileyi qeyd olundu

Nəsimi rayon İcra Hakimiyyətində Azərbaycan ədəbiyyatının görkəmli nümayəndəsi, böyük şair, yazıçı və dramaturq Cəfər Cabbarlının anadan olmasının 120 illiyi münasibətilə tədbir keçirilib.

Qafqazinfo” xəbər verir ki, tədbirdə iştirak edən Nəsimi rayon ictimaiyyət nümayəndələri Cabir Novruz Mədəniyyət Fondunun üzvləri ilə birlikdə ilk öncə Cəfər Cabbarlının abidəsini ziyarət edərək abidənin önünə əklil qoyublar.

Daha sonra rayon İcra Hakimiyyətinin akt zalında davam edən tədbirdə çıxış edən Nəsimi rayon İcra hakimiyyətinin Başçısı Asif Əsgərov Azərbaycan Prezidenti İlham Əliyevin 17 dekabr 2018-ci il tarixində “Cəfər Cabbarlının 120 illiyinin qeyd edilməsi haqqında” Sərəncamını diqqətə çatdırıb. Bildirib ki, ədibin 120 illik yubileyinin keçirilməsi Cəfər Cabbarlı yaradıcılığına yenidən nəzər salmağa və yeni baxış bucağı altında araşdırmağa yol açacaq. Şairin milli ədəbiyyatın, dramaturgiyanın, teatr və kino sənətlərinin inkişafındakı müstəsna xidmətlərindən danışan Asif Əsgərov vurğulayıb ki, dramaturgiyanın təşəkkülü və yüksəlişi tarixində yeni mərhələnin təməlini qoyan Cəfər Cabbarlının əsərləri milli teatrda mühüm hadisə kimi dəyərləndirilib, uzun illər boyu tamaşaçıların bir neçə nəslinin estetik zövqünün formalaşmasında əvəzsiz rol oynayıb. Ədibin milli ədəbiyyatın parlaq ənənələrini qorumaqla bərabər, yenilik və müasirlik uğrunda mübarizəni yaradıcılığının əsas qayəsinə çevirməsindən, Azərbaycan milli kinosunun yaranması və inkişafında müstəsna rol oynamasından danışıb.

Tədbirdə çıxış edənlər – filologiya üzrə fəlsəfə doktoru Firudin Qurbansoy, pedaqogika üzrə fəlsəfə doktoru Qafar Əsgərzadə və digərləri görkəmli yazıçının zəngin yaradıcılığından söhbət açıb, onun ədəbiyyatımıza, mədəniyyətimizə verdiyi töhfələrdən danışıblar. Tədbirdə xalq artisti Azər Zeynalov, əməkdar artist Firuz Səxavət, tanınmış müğənni Nadir Qafarzadə və Şahin İsmayılov görkəmli şairin sözlərinə bəslənmiş mahnıları ifa ediblər.

 




Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Müasir qumbaraatanın prototipi XV əsrdə hazırlanıb.

Redaktor seçimi

SON XƏBƏRLƏR