"Qarabağ"a qol vuran futbolçu: "Ən önəmlisi qələbə qazanmağımızdır”

"Qarabağ"a qol vuran futbolçu: "Ən önəmlisi qələbə qazanmağımızdır”

 “Avropa Liqasında ilk qolumu vurduğum üçün xoşbəxtəm. Bu, hər zaman xüsusidir. Amma ən önəmlisi qələbə qazanmağımızdır”.

“Report” “A Bola”ya istinadən xəbər verir ki, bunu Avropa Liqasının qrup mərhələsinin I turunda Portuqaliya təmsilçisi “Sportinq”in “Qarabağ”ı 2:0 hesabı ilə məğlub etdiyi görüşdə ilk qolu vuran Rafinya deyib.

Matçın 54-cü dəqiqəsində hesabı açan, 88-ci dəqiqədə isə komanda yoldaşı Jovane Kabrala məhsuldar ötürmə verən braziliyalı forvard bildirib ki, oyun gözlədikləri kmi çətin keçib: “Qarabağ” matça çox ciddi hazırlaşmışdı. Amma biz bu səddi adlamağı bacardıq. Yarışa qələbə ilə başlamaq çox vacibdir. Bundan sonra da öz oyunumuzu sərgiləyərək, qalibiyyət haqda düşünməliyik”.

Qeyd edək ki, “Qarabağ” oktyabrın 4-də II tur çərçivəsində İngiltərənin “Arsenal” komandasını qəbul edəcək. “Sportinq” isə Ukraynada “Vorskla”nın qonağı olacaq.