Qrenlandiyanın ilhaqına dair qanun layihəsi ABŞ Konqresinə təqdim edilib
Yanvarın 12-də konqresmen Rendi Fayn ABŞ Konqresinə baxılması üçün "Qrenlandiyanın ilhaqı və ona ştat statusunun verilməsi haqqında" qanun layihəsini təqdim edib.
Ens.az Oxu.az-a istinadən xəbər verir ki, sənəd ABŞ Nümayəndələr Palatasının saytında dərc olunub.
"Qrenlandiyanı kim nəzarətdə saxlayırsa, əsas Arktika gəmiçilik yollarına və ABŞ-ni qoruyan təhlükəsizlik arxitekturasına da o nəzarət edir", - deyə Fayn bildirib.
Qanun layihəsinə əlavə olunan izahatda qeyd olunur ki, sənəd ABŞ prezidentinə Qrenlandiyanı öz ərazisi kimi əldə etmək üçün "istənilən zəruri addımları" atmaq səlahiyyəti verir.
Şərhlər
Şərhləri göstər Şərhləri gizlət