28 may 2020, cümə axşamı
.
.
chevron_left chevron_right
MƏDƏNİYYƏT

“Rəssamların xəyalında sülh və dostluq” adlı rəsm sərgisi açılıb

“Rəssamların xəyalında sülh və dostluq” adlı rəsm sərgisi açılıb

227 Baxış
“Rəssamların xəyalında sülh və dostluq” adlı rəsm sərgisi açılıb

İran İslam Respublikasının Azərbaycandakı səfirliyinin Mədəniyyət Mərkəzində “Rəssamların xəyalında sülh və dostluq” adlı rəsm sərgisi açılıb. SİA-nın məlumatına görə, sərgi Azərbaycan Rəssamlar İttifaqı və İran səfirliyinin Bakıdakı Mədəniyyət Mərkəzinin birgə təşkilatçılığı ilə gerçəkləşib.

Açılış mərasimində çıxış edən sərginin layihə rəhbəri Elnurə İsgəndərova tədbir haqqında məlumat verib. Bildirib ki, sərgidə təsviri və tətbiqi sənətin bütün növləri üzrə 100-dən çox rəssamın 150-dən artıq əsəri yer alıb. Sərgidə müxtəlif yaş qruplarında peşəkar və həvəskar rəssam, eləcə də dekorativ tətbiqi sənət ustaları iştirak edirlər.

İran İslam Respublikasının ölkəmizdəki səfirliyinin mətbuat katibi Məhəmmədrza Nəcəfi sərginin əhəmiyyətindən danışıb. Vurğulayıb ki, bugünkü dünyamızda sülhün və sabitliyin təmin olunması olduqca vacib məsələdir. Burada nümayiş olunan əsərlərdə də dünyada sülhün bərqərar olması üçün rəssamların təxəyyülü öz əksini tapıb.

Səfirliyin əməkdaşı Azərbaycan və İran arasında mədəni sahədə əməkdaşlıqdan da danışıb. Bildirib ki, iki ölkə arasında digər sahələrdə olduğu kimi, mədəni sahədə də yüksək əməkdaşlıq şəraiti mövcuddur.

Məhəmmədrza Nəcəfi Azərbaycanın işğal olunmuş ərazilərinin tezliklə azad edilməsinə və həmin yerlərdə belə sərgilərin keçirilməsinə dair arzularını ifadə edib.

Sonda sərgi iştirakçılarına və media nümayəndələrinə diplomlar təqdim olunub.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Amerikanın Dakota əyalətində qızıldərili geyimi
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X