Alexa
Ens.az
23 oktyabr 2018, çərşənbə axşamı
.
22
Ağcabədi
.
chevron_left chevron_right
Azərbaycan

Sietl şəhərinin meri Azərbaycan Günü elan edib

Sietl şəhərinin meri Azərbaycan Günü elan edib

396 Baxış
Sietl şəhərinin meri Azərbaycan Günü elan edib

ABŞ-ın Vaşinqton ştatının ən böyük mərkəzi olan Sietl şəhərinin meri Cenni Durkan  Azərbaycan Demokratik Respublikasının yaranmasının 100 illiyi ilə əlaqədar olaraq bəyanat verib.

Azərbaycanın ABŞ-dakı səfirliyindən APA-ya verilən xəbərə görə, bəyanatda Azərbaycanın öz müstəqilliyini 1918-ci il 28 may tarixdə elan etdiyi və 1920-ci ildə öz müstəqilliyi uğrunda mübarizə aparmasına rəğmən onun Sovetlər Birliyinin tərkibinə daxil edildiyi və 1991-ci ildə yenidən öz müstəqilliyini bərpa etməyə nail olduğu bildirilir.

Eyni zamanda, ADR-in Müsəlman Şərqində ilk dünyəvi parlamentli respublika olan Azərbaycan Demokratik Respublikasının qurulması və dünyanın digər demokratik dövlətləri, o cümlədən ABŞ tərəfindən tanınması qeyd olunur.

Bildirilir ki, Azərbaycan Demokratik Respublikası müstəqilliyi dövründə irqi, cinsi, etnik və ya dini mənsubiyyətindən asılı olmayaraq bütün vətəndaşlara bərabər seçki hüququnu tanımaqla yanaşı müsəlman dünyasında ilk dəfə olaraq ABŞ-dan daha öncə qadınlara seçki hüququnun verilməsini təmin edib.

C. Durkan qeyd edir ki, Sietl şəhərində və dünyanın digər yerlərində yaşayan Azərbaycanlılar Azərbaycan Demokratik Respublikasının yaranmasının 100 illiyini qeyd edir.

Sietl şəhəri Azərbaycan xalqının azadlıq və demokratiya uğrunda apardığı mübarizəni xatırlamağa çağırır və ən xoş arzularını bildirir.

Sietl şəhəri, burada yaşayan Azərbaycan icmasını dəyərləndirdiyini və Azərbaycanın irsi və tarixinin qeyd olunmasını dəstəklədiyini vurğulanır.

Qeyd etmək istərdik ki, bəyanat Sietl şəhərinin meri tərəfindən Sietlda yaşayan Azərbaycan icması və Vaşinqton Universitetinin Azərbaycanlı tələbələrinin dəstəyi nəticəsində  təqdim olunub.

Etiketlər:
VİDEO QALEREYA
Verzaska çayı, İsveçrə
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X