Xəzərin statusuna dair sammitin gündəliyi açıqlandı
Aktauda keçiriləcək Xəzəryanı dövlətlərin sammitində Xəzərin hüquqi statusuna dair Konvensiyanın qəbulundan başqa daha 6 hökumətlərarası sazişin imzalanması gözlənilir.
Oxu.Az xəbər verir ki, bunu “Kommersant” qəzetinə müsahibəsində Rusiya XİN başçısının müavini Qriqoriy Karasin deyib.
Beş sahilyanı dövlətin rəhbərləri Xəzərin hüquqi statusu ətrafında uzun illər davam edən müzakirələrə yekun vurmaq üçün avqustun 12-də Qazaxıstanda bir araya gələcəklər.
Sammitin yekun sənədi Xəzərin hüquqi statusu barədə imzalanan Konvensiya olmalıdır.
Karasinin sözlərinə görə, Aktaudakı sammit heç də sonuncu deyil.
“Hamı anlayır ki, əldə olunan tempi nəinki aşağı salmaq, əksinə, artırmaq da olar”, - Rusiya rəsmisi bildirib.
O qeyd edib ki, Konvensiyanın qəbul edilməsindən sonra Xəzər formatının xeyli qüvvətlənməsinə ümid edir.
“Daim fəaliyyətdə olacaq məşvərət qurumunun yaradılması məsələsi gündəmə gəlib”, - Qriqoriy Karasin deyib.
Şərhlər
Şərhləri göstər Şərhləri gizlət