ABŞ-nin İrana son hücumunda ölənlərin sayı açıqlandı - RƏSMİ
İyunun 27-dən iyulun 18-dək ABŞ-nin İrana endirdiyi zərbələr nəticəsində ölənlərin sayı 50 nəfərə çatıb, 500-dən çox insan yaralanıb.
Ens.az Oxu.az-a istinadən xəbər verir ki,bu barədə İran İslam Respublikası Səhiyyə Nazirliyinin mətbuat xidmətinin rəhbəri Hüseyn Kermanpur "X" sosial şəbəkəsində bildirib.
Qeyd olunur ki, ölənlər arasında beş qadın və yaşı 18-dən kiçik olan iki nəfər var. Yaralılar arasında isə 32 qadın, 18 uşaq və yeniyetmə var.
Xatırladaq ki, iyun ayının 18-də Vaşinqton və Tehran arasında hərbi toqquşmaların dayandırılmasını nəzərdə tutan və yeni dialoq mərhələsinin əsasını qoyan müvəqqəti razılaşma memorandumu imzalanmışdı. Ancaq bundan cəmi bir neçə gün sonra ABŞ tərəfi İranı atəşkəs rejimini pozmaqda günahlandırıb. Öz növbəsində rəsmi Tehran da ABŞ ordusunu hərbi zərbələr endirməkdə təqsirləndirib.
Şərhlər
Şərhləri göstər Şərhləri gizlət